影片
更多
2013-02-21
114 浏览
新年假期完结lu，理应人人都要收拾心情返工，点知公司想我更心散要我放晒d大假，咁放啰~~失惊无神比其他人多左成个礼拜假 , 本来打算同男友阳光海滩一番，工作至上既佢公司要交人，𪠳，唯有做个乖女友应承日日陪食lunch。今日第一曰陪饭行动，懒醒早左成个钟到上环，平时黎开都系做yoga，好，等我趁机周围行下八下先！噢，原来上环都好有文化色彩，仲有好多细细间特色小店，素有欧洲的气味啊~ 向往佢公司方向,行下行下见到有间大快活，大堂外面有几张梳化，咁得意？！行入d再望下个蛋糕柜，咦，薰衣草蛋糕？！呢个蛋糕咪 系我湾仔公司 附近间coffee shop我超钟意既蛋糕？！睇下睇下个counter女仔俾左餐牌我睇话有午餐供应，见到个餐牌印左张相~咪系我同Fiona之前每个礼拜都去朝拜既红酒鸭胸？！我地通常都会去𠮶间coffee shop食饭，就系因为呢个好味鸭胸，我地都帮衬左成年但奇怪系上个月我 地大围人念住去食点知个侍应话停止供应，又话 冇出过薰衣草呢款蛋糕，去左二次都系话冇，真抓头！抬头望望个 logo甘熟，再望下个粉红色间条墙，个装修同湾仔都有八成似。我心念仲有时间，不如偷偷地快𪠳件薰衣草蛋糕
今日第一曰陪饭行动，懒醒早左成个钟到上环，平时黎开都系做yoga，好，等我趁机周围行下八下先！
噢，原来上环都好有文化色彩，仲有好多细细间特色小店，素有欧洲的气味啊~ 向往佢公司方向,行下行下见到有间大快活，大堂外面有几张梳化，咁得意？！行入d再望下个蛋糕柜，咦，薰衣草蛋糕？！呢个蛋糕咪 系我湾仔公司 附近间coffee shop我超钟意既蛋糕？！睇下睇下个counter女仔俾左餐牌我睇话有午餐供应，见到个餐牌印左张相~咪系我同Fiona之前每个礼拜都去朝拜既红酒鸭胸？！我地通常都会去𠮶间coffee shop食饭，就系因为呢个好味鸭胸，我地都帮衬左成年但奇怪系上个月我 地大围人念住去食点知个侍应话停止供应，又话 冇出过薰衣草呢款蛋糕，去左二次都系话冇，真抓头！
抬头望望个 logo甘熟，再望下个粉红色间条墙，个装修同湾仔都有八成似。我心念仲有时间，不如偷偷地快𪠳件薰衣草蛋糕，哗哈哈！我叫左个cake set $28 ，话可以半价转饮品 +$14，个女仔推介我试下饮苹果玫瑰花茶 (个女仔真的十分热烈推介，我都唔好意思话唔好，但其实佢讲野都好搞笑！)等左冇耐，就有得食啦 ，件 蛋糕摆得好靓，淋满蜜糖，再有粒cream放系旁边。 急不及待，即刻放入口，哗！薰衣草的香味即时上脑，再加上蜜糖的配合真想大叫: 薫衣草蛋糕我们重逢了!!跟住想同个蛋糕转个圈High 个five!!
试下杯果茶，酸酸甜甜同个蛋糕很衬，见到d果粒成半杯都有，真系真材实料，个女仔话系台湾茶黎既，我系香港都未试过，通常饮亲都系茶包,唔错!!
坐下坐下睇下个餐牌都几鬼舒服，但系我都要去埋单啦~~本来个女仔帮人落紧单，唔知系味我个样太心急如焚，佢突然大动作转身帮我卖单，真贴心，HAAA埋单时俾左张咭片我，上面有facebook个女仔叫我like下佢，哈
跟住我急急脚走了
题外话/补充资料：
后记 原来睇佢地个Facebook (rosehomekitchenmini) 真系搬左,易左手，唔怪得之d野唔同左
我写呢篇文章都系想话可以有缘寻回往美食，真幸福
我都会搭多二个站支持下
因为是偷偷地行动，忘了映相，泪～～～～
(以上食记乃用户个人意见 , 并不代表OpenRice之观点。)
张贴