影片
更多
2010-11-09
1465 浏览
事隔年半，再战松屋，上次同教会朋友庆生日，依次就拉埋同事当慰劳，早排做到死死吓，点都要大食一餐嘅。依家嘅日式放题开到成行成市，价钱大家都差唔多，而晌旺区开到好似梗有一间晌左近，印象中松屋都算系早一批搞放题嘅日本餐厅。本来都唔系拣佢，想试其他未去过嘅日式放题，不过好多都系分上、下两场，早场就早得滞未收工，晏场又晏得滞中间时间又唔想hea住，结果拣松屋因为佢有好多时段拣，比较就到我哋，我哋就由7:30pm食到10:00pm，两个半钟够晒啦！去到人气依然咁旺，订咗位都要等10min。睇番食物种类，都系𠮶3张食物纸，好似无乜点改过， 70多款食物包括7款刺身、13款寿司、6款手卷、24款串烧、5款沙律小食、6款饭面乌冬、11款扬物及天妇罗、同埋6款日式料理。饮品方面，共有14 种，饮清酒就要另外俾钱喇。一坐落就进行第一轮大手扫货，其后就再睇大家嘅战斗力进行几轮散打策略啦，边食边倾真系差唔多食到10:00pm先走，成晚漏单嘅情况唔多，侍应收碟、执拾、落单、跟单都OK，招呼都唔错，又无话催埋单，始终系闲日差唔多近10:00pm，都无乜新客到！今晚战绩都算唔错，三个人食咗唔少嘢，系手卷同饭面乌冬无帮
去到人气依然咁旺，订咗位都要等10min。睇番食物种类，都系𠮶3张食物纸，好似无乜点改过， 70多款食物包括7款刺身、13款寿司、6款手卷、24款串烧、5款沙律小食、6款饭面乌冬、11款扬物及天妇罗、同埋6款日式料理。饮品方面，共有14 种，饮清酒就要另外俾钱喇。一坐落就进行第一轮大手扫货，其后就再睇大家嘅战斗力进行几轮散打策略啦，边食边倾真系差唔多食到10:00pm先走，成晚漏单嘅情况唔多，侍应收碟、执拾、落单、跟单都OK，招呼都唔错，又无话催埋单，始终系闲日差唔多近10:00pm，都无乜新客到！
今晚战绩都算唔错，三个人食咗唔少嘢，系手卷同饭面乌冬无帮衬，因为食咗佢哋真系唔再食得几多嘢；而刺身同串烧应该成为今晚主打喇，一来属贵价少少嘅嘢，二来算系无咁易饱肚嘅嘢。
刺身：三文鱼、吞那鱼、立鱼、鱿鱼、鲍片。
前后都叫咗三轮，可想而知我哋食得几落力！老实讲，刺身唔算好标青，感觉都新鲜，无霉无怪味，只系唔系好高质，而每次点嘅份量都俾到足，无话见贵价嘢就从中抽水俾少啲你。
寿司：濑尿虾，芒果炸虾卷。
都系贪口爽而叫，前者过口瘾食吓濑尿虾，话晒唔使自己去壳咁麻烦，不过味道一般；后者，就睇吓芒果夹炸虾效果系点，算叫OK嘅，多啲芒果，炸虾又大只啲，效果就出啲。
小食：八爪鱼，螺肉，冻豆腐。
冻豆腐较为好食，滑溜，而八爪鱼同螺肉似来货嘢，黐住嘅酱一pat pat咁，感觉嘛嘛。
串烧：大葱鸭肉串、串烧虾、汁烧牛颈脊、串烧鸡软骨、冬菇、照烧鸡串、羊扒、粟米、蕃薯、翠玉瓜、八爪鱼丸。
叫咗好多串烧，有好有唔好啦。觉得好嘅：大葱鸭肉串，鸭肉少少燥味，但配咗大葱一齐食，效果唔同晒；汁烧牛颈脊，牛颈脊腍身有肉味；羊扒，唔点膻㖞，同样软腍，仲大啖大啖肉；粟米，其实烧过嘅粟米特别甜，因为水份被蒸发啲，里面嘅糖份浓度就自己高咗，除非个粟米本身质素好差啦！反而有啲失望系蕃薯同八爪鱼丸，因为紫心蕃薯有啲所谓「臣臣哋」，而八爪鱼丸比较沟粉好咗。其他几样都OK唔错！
扬物：炸蚝、炸芝麻鸡翼、炸芝士海鲜卷。
炸蚝好奀，好彩一次过叫5只，因为啲蚝唔够肥美，所以食一转就无再添食，5只都叫多咗；炸芝麻鸡翼，依个掂㖞，鸡翼大大只之余，好入味，外皮又炸得甘脆，正；点知又被个炸芝士海鲜卷拉番落深谷，外面丝网春卷皮，包住中间一条白色唔知系乜，腍又唔系好腍，又有啲韧，唔知边忽似芝士，更唔好讲系食唔到有咩海鲜，我哋三个细心研究过都讲唔出系乜，放弃吧啦！
天妇罗：虾天妇罗。天妇罗本身有5款，其他嘅仲有沙追鱼、蕃薯、茄子、南瓜，但依趟精拣虾天妇罗，叫得唔少添，可惜粉浆有少少厚，而虾比较细只，无咗大啖大啖虾肉𠮶种滋味。
其他日式料理：金菇肥牛卷、盐烧秋刀鱼、烧鲭鱼。
几款都只系中规中矩，肥牛紥住大大束金菇，慌死怕你投诉话佢少。秋刀鱼有少许腥味，但其实烧得几靓，反而烧鲭鱼就正啲，虽然一客一小件，但浅尝细味都唔错。
雪糕同以前一样都系得4款，味道都无改：芝麻、绿茶、红豆、朱古力，唔使讲，一次过试晒啦，系每人都要晒4款，咁先够喉丫嘛！始终都系芝麻同红豆最抢镜，味道最浓郁又无咁假。今晚食咁多炸嘢同串烧，所以，同上次一样，饮咗唔少嘢，好彩小弟个胃都算几强，4杯冻嘢仲杯杯唔同，又冻甘桔柠檬蜂蜜、冻苹果绿茶、冻紫苏梅、Mountain Dew，沟沟埋埋都无事。哈哈！
张贴
