上勝日本料理 (億利工業中心) (已結業)

之前食过一次，老婆系咁话要再返嚟食，所以今晚就满足佢呢个心愿。三文鱼腩刺身 & 三文鱼刺身，鲜甜肥美嘅三文鱼必定要叫，鱼腩部位就更加甘香肥美！黑松露带子沙律，上面嘅炸面好有蛋香味，蔬菜新鲜爽脆，配合埋柚子醋好开胃，鲜甜嘅带子加上黑松露嘅幽香，味道更加有层次，好味~蒲烧肥厚鳗鱼饭(大盛)，鳗鱼够晒厚切，加埋上面嘅酱汁味道真系一绝，我超钟意！海胆军舰，呢个海胆真系令我地喜出望外，堆满成个军舰饭团，入口非常鲜甜甘香！芝士烧扇贝，估唔到叫一只扇贝都有咁靓嘅摆盘。扇贝好鲜甜，加上少少焦香嘅芝士味道好夹~日本芝士蛋糕，松软嘅芝士带嚟绵滑嘅口感，味道又香，系老婆嘅最爱之一！巨峰乳酸梳打，好香巨峰提子味，仲好够气，爽~老婆对呢餐非常满意，睇嚟距离下次再战嘅日期又不远了 😂