越灶

营业中

休息中

都有一年以上无再过黎食嘢，试过好多间越南河，都系呢间比较岩口味。第一碗牛河，自选三个𩠌，拣左牛丸生牛肉同牛腩。汤底很对口味，个人比较重口味，去其他地方食总系觉得淡左少少。牛丸看似一般,但食落都重牛脂味，有少少汁。牛肉可以，算嫩，未算出色。牛腩好靓，意料之外。番茄蟹汤檬粉，汤嘅平均很好，酸甜度适中，蟹味浓，好开胃，两只虾都入晒味，丸同扎肉都好好食。呢间餐厅饮品我觉得都系重点，虽然唔平，但质素每次都几高，越南咖啡炭香味十足，甜度适中，薄荷青柠梳打我亦每次都会叫，很醒神。今次无叫其他小食，加咗个米纸圈，几清新，唔错。埋单四百七，偏贵，但个人觉得值。