喜喜燒臘茶餐廳 (已結業)

今晚饮左唔少，醉就梗嘅，醉左肚饿要医肚，天经地义。想去永华食面，但夜晚一点几已经收左工，就去翻曾经所爱嘅食肆喜喜度食碗云呑面，睇下质素有冇翻生！唔食烧味，就食喺度点左食过唔错嘅云呑面，评云呑面永远分三个部份，面、汤及云呑。云呑面 HK$32卖相唔正宗，云吞冇摆底规扥起面身。面面爽口，有砚味而不重，份量比正宗云呑面大碗，算唔错。汤甜，好有虾皮味，亦有猪骨及大地鱼味，但饮完几口干，味精唔少。云呑最好，猪肉少于一成，有大地鱼粉，虾爽口而有虾味，啤水时间掌握得好好。总结: 整体而言碗面算做几好，二十四小时营业方便食客，好适合我呢类夜晚饮到啤啤夫嘅酒鬼。