Fauchon Paris Le Café (已結業)

因为有第二个set lunch半价，所以encore。今次坐喺门外的位置，可以望到其他人，其他人都望到你。今次的5成和7成牛扒安排，正常返了。今次都系餐汤沙律二选一，有甘笋忌廉汤和羊奶芝士沙律。。个沙律好出色，羊奶芝士应该加了少小薄荷，所以有啲绿色，而且味道好好。新点食材有西班牙烩饭，汉堡包，猪柳扒。烩饭浓淡度适中，唔会太稀，饭偏硬。汉堡包的牛扒都可以拣几成熟，包身厚，又松软，配超香脆的粗薯条。猪柳扒，淋身，有猪味，配的汁非常淡，薯蓉滑，味淡。香煎鱼，今次卖相好好，味道不过不失。今日送嘅朱古力无哂，改了马卡龙，绿茶和热情果两款。。绿茶+伯爵茶，正常 ; 热情果嘅酸，入口有啲令人打冷颤，不过饮返啖茶再食，个效果好好多。可惜今天侍应小姐心情唔好，将整个服务感觉拖低了。。。