影片
更多
2022-11-12
1848 浏览
早前，老友睇过小弟一篇提及海鲜嘅食评，又话好耐无食过海鲜，不如趁仲有啲消费券未用晒，约出嚟擦番餐。不过，今次带老友嚟到「Mr. Crab by The Captain's House」试吓新嘢「海鲜袋」，其实唔喺咩新嘢，小弟大概5年前晌尖沙咀嘅「The Captain's House」初尝过，喺非常有趣嘅体验，所以，都推介俾老友试试。餐厅楼高两层，地下喺主力外卖，楼上先喺主要用餐区，布置得有像船舱嘅感觉。最抢眼就梗喺楼梯嘅磁砖画啦，巨型八爪鱼同水母，非常高打卡感，楼梯中段仲放置咗张长木橷，若非侧边有个「小心地滑」嘅胶牌，坐晌度打个卡，真喺呃得吓人上咗船。上到二楼，先入眼帘喺大大个三层高水缸，养咗唔少珍宝蟹同波士顿龙虾，而再走入啲，先喺一排排嘅卡位，跟住就喺多组可活动嘅2、4、6人枱，其实楼上地方都几深长。如好多美式餐厅一样，一大张过印有餐厅标志嘅纸枱垫，冚晒成张枱面，就算啲刀叉就咁放晌枱面都唔怕污糟。而除了餐具，仲另备有即弃嘅胶手套同围裙，不过，我哋又无乜叫龙虾呀、珍宝蟹呀、面包蟹呀、阿拉斯加长蟹脚呀……等等，所以，都未需要用到手套同围裙！虽然「海鲜袋」喺招牌名物，但除此以外，仲有好多
餐厅楼高两层，地下喺主力外卖，楼上先喺主要用餐区，布置得有像船舱嘅感觉。最抢眼就梗喺楼梯嘅磁砖画啦，巨型八爪鱼同水母，非常高打卡感，楼梯中段仲放置咗张长木橷，若非侧边有个「小心地滑」嘅胶牌，坐晌度打个卡，真喺呃得吓人上咗船。
上到二楼，先入眼帘喺大大个三层高水缸，养咗唔少珍宝蟹同波士顿龙虾，而再走入啲，先喺一排排嘅卡位，跟住就喺多组可活动嘅2、4、6人枱，其实楼上地方都几深长。
如好多美式餐厅一样，一大张过印有餐厅标志嘅纸枱垫，冚晒成张枱面，就算啲刀叉就咁放晌枱面都唔怕污糟。而除了餐具，仲另备有即弃嘅胶手套同围裙，不过，我哋又无乜叫龙虾呀、珍宝蟹呀、面包蟹呀、阿拉斯加长蟹脚呀……等等，所以，都未需要用到手套同围裙！
虽然「海鲜袋」喺招牌名物，但除此以外，仲有好多种类嘅菜式，由前菜、小食、汤品、沙律、薄饼、汉堡、主菜、意大利面、意大利饭、甜品……等等，夹夹埋埋几十款，唔使担心无选择。甚至儿童餐都有，真喺照顾周到。
当然，亦要重点一下介绍「海鲜袋」啦，玩法好简单，价钱分3层：$418（自选3种海鲜）、$598（自选5种海鲜）、$888（自选8种海鲜），而每一款海鲜都有讲明份量大槪有几多，但温馨提示一下，部份贵价嘅海鲜，需要另外加钱。跟住，就拣番你心水嘅酱汁：卡彊蒜蓉汁、柠檬刁草忌廉汁、柠檬胡椒汁或混合酱汁；海鲜袋内已有伴菜，怕唔够分或唔够食，可以加钱额外再配。
既然喺卖海鲜，除热食嘅「海鲜袋」，亦有冻食嘅「海鲜拼盘」，同样分3个价：$408、$608、$1120，越贵所食嘅海鲜就越高档啦，好似最贵嘅一款，又珍宝蟹、又大扇贝、以及翡翠螺，同样可以拣配心水嘅酱汁。此外，仲有新鲜生蚝供应，以及生蚝配餐酒嘅组合！
怕烦嘅人，咪好似我哋咁，拣个套餐啰，餐厅提供2人或4人套餐。我哋所拣嘅2人餐，就包咗「海鲜袋」（自选3种海鲜）、前菜（5拣1，部份要加钱）、意大利面或饭（3拣1），以及两杯餐酒，如果唔饮得酒都唔紧要，可以转为汽水，当然，感觉好似蚀底咗少少啦，哈哈！
正所谓饮饮食食，咁就介绍埋有咩饮品选项，食海鲜好多人都会配杯白酒，食肉嘅就配上红酒，此外，仲有香槟、啤酒、汽水、果汁、咖啡、红茶、沙冰、鸡尾酒、非酒精鸡尾酒、特色热饮，务求大人、细路、年长、后生嘅都各有所好。
Coke、Ginger Ale我哋就唔太好酒，简简单单转饮汽水，配炸鸡翼又好，配海鲜亦唔错，最后配个意大利饭亦啱。总之，碰碰杯，祝大家行得、走得，又饮得、食得。
脆炸鸡翼虽然都喺炸鸡翼一碟，当然，都可以做到有特别色啦，有5款口味可拣，小弟揸主意拣咗蒜香蜜糖汁。鸡翼入口热辣辣，外皮都几脆口，阵阵蒜香，又甜甜哋，伴有一小兜芝士酱，点埋就仲好食，味道更丰富，而伴碟嘅甘笋条同西芹条亦好爽脆。
脆炸鸡翼
7 浏览
0 赞好
0 留言
食完个前菜，是日主角就隆重登场，大大袋海鲜先睹为快，睇落好似无乜嘢，店员俾我哋影完个外观，再大大力猛咁摇呀摇呀，揈呀揈呀，令蒸熟嘅海鲜跟柠檬刁草忌廉汁彻底混合。当一打开袋，热力四散，香气四溢，非常诱人。我哋拣咗海虾、马尼拉蚬及原只去头鱿鱼作为配搭，份量唔讲得少，堆到一大盘。
海鲜袋（3款海鲜）
9 浏览
0 赞好
0 留言
啲鱿鱼切得好有型，少少鎅咗花咁，口感好柔软，带少少韧劲，却唔会好似橡筋咁咬唔断，沾满柠檬刁草忌廉汁，清新嘅柠檬味，又有幽香嘅刁草味，确喺拣得好。
海虾啲海虾都唔细只，食落真喺阵阵鲜甜虾味，啲肉质又够爽弹㖞，用料新鲜就自然好食，而啲虾头仲有少少膏添。
马尼拉蚬试埋啲蚬先，啲蚬都够大只，最紧要够肉地，睇落只只都厚肉，咬落又喺靓料，口感柔韧，唔会好似擦纸胶，仲带有少少如海水般咸鲜味，沾上汁底，更吊出其鲜味。
伴菜咪以为海鲜袋得海鲜怕食唔饱，内里仲有啲饱肚嘢，包括猪肉肠、薯仔及粟米，有肉、有菜，薯仔更喺饱肚之选。而且，捞匀啲汁，味道一啲都唔会寡。
蟹肉蟹膏南瓜意大利烩饭最后，加多碟意大利饭，就实饱晒。食意大利饭就最能试得出厨师手势，呢个饭真心好食，啲饭粒好有咬口，每粒饭都包满南瓜汁底，却又唔会太湿，味道带甜甜哋，仲刨咗唔少巴马臣芝士落去，芝香四溢。最讨欢心，就梗喺饭内混有超多蟹肉，落得一啲都无手紧，又嗒到少少蟹膏嘅甘腴，个饭真喺无咩挑剔位。
蟹肉蟹膏南瓜意大利烩饭
5 浏览
0 赞好
0 留言
睇见以下呢张相，唔喺入咗厕所，知道有啲客人食到揾手食，所以，晌酒吧尾加装咗一个长型洗手盆，方便吓客人啫。
今次再食「The Captain's House」嘅出品，虽事隔5年，但水准不变，无走样，更重要喺老友食得称心，尤其是佢喺第一次食呢种海鲜袋，自不然更具新鲜感。此外，服务亦都好好，例如，上个饭时，会自动跟套新餐碟同匙羹。
张贴
