丸亀製麵 (已結業)

已经食咗3次呢间分店，第一次系因为佢新开嚟试下;第二次系9点都未食饭，见佢仲开又有位所以食;第三次系因为去完隔离超市，唔想返去煮，又系见佢有位。基本上除咗第1次，后者都唔系有心去食。今次再次验证我的失望系啱的…记得上次食佢的乌冬感受太un而到牙铰好攰，今次即管比个机会佢的咖哩牛肉饭，心谂都好难会整得难食啩!? 上到枱，只见咖喱汁和饭，牛肉呢？得2小薄片。2小粒红萝卜，1粒仔薯仔。果一刻的确有d嬲，咁无诚意的! 老实真是唔值呢个价，味道亦相当普通无咖哩香也无辣味! 拎返碗饭出去揾个职员反映，佢就细细声咁话唔好意思帮我加返牛肉。原来佢的牛肉系一缸嘢咁已经捞埋喺d咖哩汁入面，所以佢加返牛肉比我同时亦加埋汁，多咗3片牛肉仔，仲搞到碗饭变成咖哩水塘，汁多过饭，唉。老公就食腐皮乌冬，仲夹咗炸鸡同炸南瓜极泰来。今次乌冬反而正常，唔un, 咁即系话乌冬的制作系相当浮动，没有准则，好食与否全靠撞彩。炸鸡系见佢刚炸起所以夹，呢个反而有惊喜，鸡件系暖的，肉嫩滑（其实要有咁的水平先系正常吧！?）。炸南瓜就太薄了，唔热又唔脆…… 不值一提。我记得9点后d天妇罗系有特价的，好似15蚊3件咁，但果个钟数，唔会有啱