安娣瑪萊

营业中

休息中

今日同朋友逛完街后，嚟左安娣玛莱坐低食下午茶，仲好彩坐到窗边位，睇到维港海景同埋日落，气氛一流！佢哋嘅 Tea Menu 选择都OK多，价钱由 $48 起，性价比算高 泰式肉碎炒饭 配 Auntie's 秘制脆鸡件 ($78) - 炒饭粒粒分明，啱啱好嘅辣度加上泰式肉碎嘅惹味香气，非常开胃！鸡件外脆内嫩，鸡肉多汁，亦炸得香口肉碎生菜包 配 酸辣无骨凤爪 ($58) – 清新唔肥腻，生菜包爽脆，包住惹味嘅肉碎，口感丰富。配埋酸酸辣辣嘅无骨凤爪，非常醒胃，适合low-carb diet! 班兰咖椰多士 ($38)甜品当然唔少得去马来西亚必食既班兰咖椰多士！面包够薄, 烘到外脆内软，配上冰冻嘅班兰味咖央酱同牛油，外热内冷嘅口感真系正，甜度啱啱好，甜品控必试! 坐喺窗边睇住维港海景，仲可以欣赏日落，以尖沙咀同海港城嚟讲，呢种vibes真系唔系随便揾到，好啱朋友聚会或者shopping后休息嘅好地方！