Spring field (已結業)

Office搬离湾仔一段时间，Spring Field系我挂住小店嘅top 5。今朝一早出左去做野早餐都未食，就趁机revisit 呢度超有heart又好味嘅pho。好好彩12点多少少去到仲有位，即刻order左招牌春园河(走芫荽走葱 )。半生熟安格斯牛肉好嫰一d筋都冇，慢煮牛肉条好爽有肉味又唔会老到痴牙，正！采用嘅和牛汤底真系好清好甜，可以就咁饮完全唔涸喉咙，厉害在于就算碗河粉食到后段都仲系好清冇乜油，真系好纯。虽然我都好钟意近金钟另一间几出名嘅pho，但我更爱Spring Field 清纯嘅汤底，同佢一碗牛河有两款或以上唔同嘅牛，好味而性价比高，满足贪心嘅我。食完碗牛河已经好饱，但难得嚟到所以好贪心咁叫埋招牌春园春卷，热辣辣脆卜卜，唔会好油。就咁食超香口，而包生菜食就带点小清新嘅感觉。食左好多次呢间小店嘅质素都好consistent，实在难得！唔怪得成日都大排长龙啦！