韓閣 (富裕樓) (已結業)

未够5:30仲有下午茶，一于早啲食个 early dinner。炸鸡特餐（$128），半只炸鸡，斩件后有5件，拣咗甜辣味（另有蜂蜜牛油、甜酸）。即叫即炸，甜辣汁捞埋炸鸡一齐食好夹。香草薯条同样即炸，脆卜卜。蟹肉沙律酸酸哋劲开胃。跟餐热粟米茶（有粟米味）&例汤（牛骨清汤）味道正常。必食皇牌茶餐（$54），炸特厚黑毛猪扒颇大块，而且炸得不错，唔会干争争。太阳蛋汤面要咗蕃茄汤（另有猪骨、泡菜），估唔到都几浓郁茄味。小食要咗紫菜粉丝卷（另有蟹肉沙律、香草薯条、猪肉粉丝饺），有3件，食落外面脆里面爽，不错。跟餐冻红豆奶茶味道正常，红豆都淋。