影片
更多
2015-10-13
429 浏览
今日同个好耐无见嘅同学聚旧，问佢想食咩，佢话想食啲精致嘅日本料理，跟住我就醒起之前去过嘅一间。时隔半年，我又黎到呢度，门面仍然一样，同行嘅人已经唔同左，但都总系带有一点期待。不过呢间日本料理总有一点系不变，就系食物质素同埋果个侍应热情嘅服务。当我地入到店坐落，店员热情咁招待我地入座，之后再同我地讲解下有咩时令菜式，感觉非常窝心。之后在确定叫嘅野食之后，系师傅就开始整我地嘅晚餐同时，侍应就首先为我地送上个前菜先。木鱼他他，呢个前菜食落几新鲜，有口感而且味道十足，但又唔会偏咸，即使唔点任何野都ok。小食方面，我地叫左龙虾沙律同七味鱼翅。龙虾沙律入口好浓味，龙虾肉唔会有霉烂感，好弹牙，而且唔会太多沙律酱，感觉清新。七味鱼翅点埋沙律酱一齐食，感觉真系好几开胃，而且比一般食到嘅鸡泡鱼干更有口感，作为开胃小菜真系唔错。刺身方面，我地首先叫左个秋刀鱼刺身，今次真系第一次食到秋刀鱼刺身，秋刀鱼俾我感觉一直都系一定要热食，同粗糙嘅口感，今次呢个秋刀鱼刺身完全颠覆左我嘅对佢认知，秋刀鱼刺身入口真系好嫩滑呀。餐厅仲有提供材料俾客人自行调配自己嘅酸汁，将秋刀鱼刺身点埋酸汁简直就系一种升华，完完全全提升晒所有野
时隔半年，我又黎到呢度，门面仍然一样，同行嘅人已经唔同左，但都总系带有一点期待。不过呢间日本料理总有一点系不变，就系食物质素同埋果个侍应热情嘅服务。
当我地入到店坐落，店员热情咁招待我地入座，之后再同我地讲解下有咩时令菜式，感觉非常窝心。之后在确定叫嘅野食之后，系师傅就开始整我地嘅晚餐同时，侍应就首先为我地送上个前菜先。
木鱼他他，呢个前菜食落几新鲜，有口感而且味道十足，但又唔会偏咸，即使唔点任何野都ok。小食方面，我地叫左龙虾沙律同七味鱼翅。
龙虾沙律入口好浓味，龙虾肉唔会有霉烂感，好弹牙，而且唔会太多沙律酱，感觉清新。
七味鱼翅点埋沙律酱一齐食，感觉真系好几开胃，而且比一般食到嘅鸡泡鱼干更有口感，作为开胃小菜真系唔错。
刺身方面，我地首先叫左个秋刀鱼刺身，今次真系第一次食到秋刀鱼刺身，秋刀鱼俾我感觉一直都系一定要热食，同粗糙嘅口感，今次呢个秋刀鱼刺身完全颠覆左我嘅对佢认知，秋刀鱼刺身入口真系好嫩滑呀。
餐厅仲有提供材料俾客人自行调配自己嘅酸汁，将秋刀鱼刺身点埋酸汁简直就系一种升华，完完全全提升晒所有野，为食客带黎味觉上嘅享受。
刺身拼盘(珍宝牡丹虾，北寄贝，大吞拿鱼腩，油甘鱼，带子，八爪鱼)，所有嘅刺身都非常新鲜。而且师父不论选货或刀功都非常好，每片刺身睇落宦好饱满。
珍宝牡丹虾真系好鬼鲜甜，又够晒弹牙。
油甘鱼比一般都做到好，食落唔会有好腻嘅感觉，口感丰盈。
带子大大粒，入口够晒口感。
八爪鱼够晒咬口，唔会有雪味，极无霉烂感。
最后浓味嘅吞拿鱼腩食落有种入口即溶既感觉，真心超级正，呢个真系成日都令我感到满意。
寿司(珍宝牡丹虾虾膏寿司两件)珍宝牡丹虾虾膏寿司卖相精致，饭团嘅饭量适中，入口嘅虾膏味道好浓，仲有埋啲虾子tim，令人感觉佢好矜贵，虾膏虾子夹埋寿司饭真即使唔点野都岩岩好个味道。
天妇罗(鳕场蟹脚，花竹虾，目光鱼，毛茄，苦瓜，舞茸，南瓜，小洋葱)整体天妇罗啲脆浆好够薄身又松脆。
目光鱼天妇罗感觉好滑溜，肉质滑溜。我也是第一次吃日本冲绳苦瓜，舞茸，南瓜天妇罗，
原来日本冲绳苦瓜比一般街市买到嘅苦瓜要苦咁多。
舞茸嘅口感又够特别，十分有嚼劲。
南瓜就入口唔会太淋，有口感，十分甘甜。
另一方面都系第一次食到个鳕场蟹脚，入口鲜甜，食完有种想再食一条嘅冲动。可以一次过食到咁多未试过嘅天妇罗，真系好有惊喜的感觉呀。
串烧我地就叫左烧白鳝，烧鸡肾，烧和牛。
白鳝烧完后表皮有小小焦，但肉质仍然十分嫩滑，口感丰盈，而且小小嘅焦面令到白鳝食落更香口。
烧鸡肾，餐厅烧得唔错，而且加左啲七味粉，令鸡肾食落有口感之余仲带小小辣，真系好惹味。
烧和牛，呢个系餐厅近期嘅主打，和牛入口即溶真系好鬼正，第一次食到咁好质素嘅和牛串，不过味道上，略嫌有点偏咸，改善小小会更完美。
味噌拉面同学话唔食啲主食好似唔够完满咁，于是我就为佢叫左碗味噌拉面，拉面煮得岩岩好，唔会太淋又够晒弹牙，另外汤又唔会太咸，食所有野喝埋碗入面都得呀~~~~
小鹤(米香味)，食饱饱之后紧系叫番枝酒酒慢慢坐下倾下偈喇，系职员推荐之下，就叫左呢枝小鹤(米香味)，呢枝酒入口唔会太辛口，甜甜地，仲有丰富嘅口感，岩晒大家食饱饱坐低慢慢一边倾一边喝。总括而言，呢间舖头一如之前咁用料新鲜，同埋用好多心机去整每一样食物，所以我再黎一次呢度食，希望以后再黎嘅时候会有更多嘅惊喜。
张贴
