豐鍋雞煲 (京瑞廣場1期)

营业中

休息中

上次食过佢地驰名嘅麻辣鸡煲之后，回味无穷，已经决定咗要encore嚟试佢嘅螺片花胶鸡煲。好彩我哋今日早到唔使等位，一坐低店员就会俾盘热水你消毒下碗碟筷羹，相当卫生，抵赞👅滋补螺片花胶鸡煲🍲鸡汤入口清甜滋补，带有清香浓郁嘅芫茜味，啱哂啲芫荽控。原来芫荽唔只净系夹皮蛋同鱼片，原来同鸡肉及花胶都好夹。花胶够爽滑，含有丰富骨胶原，真系要食多几旧。螺片鲜味爽甜，鸡肉质地鲜嫩有鸡味，又唔鞋口。配上灼至半透明嘅萝卜，萝卜吸收左鸡汤嘅精华，咬落去鲜甜可口😎极品本地手切牛颈脊(小)🤤牛颈脊雪花分布均匀，肉色红润，有一定厚度，唔会薄到好似一阵风咁，浓郁嘅牛肉味加埋厚实嘅咀嚼感，牛魔王一定收货✨饺饺阵🥟总共有四款口味，包括鲜虾云吞、鱼皮饺、韮菜饺同麻辣饺。建议可以先由最淡味嘅鱼皮饺开始食，而当中嘅麻辣饺至为香辣惹味，非常独特，唔系度度有得食。另外呢啲饺子同云吞粒粒馅料都充足饱满，仲胀过我个荷包🤤杂菜篮🥬🥒🥦蔬菜鲜嫩翠绿，总共有四款，包括生菜、油麦菜、白菜仔同菜心，份量都唔少。响享受用打边炉嘅同时，食返啲蔬菜可以中和下肉类嘅油腻感👍食到尾声，我地发现已经有好多客人喺门口等紧位。客人之多，可以话系商场里面最热门