Cobber Coffee and Tonys Pastry (裝修中)

今次同朋友系第二次黎，上次晚餐等太耐，今次决定同朋友试下午饭时间黎，都系等左一阵间就入座试左佢嘅西京白味噌豚肉意粉，系新菜式，味道十分好，唔太油腻。肉嘅份量都好足够，美中不足系可以多番少少洋葱同菇平衡番。另外仲叫左黑松露薯条，cobber名物，依然都系我嘅至爱。薯条上到黎仲系热同脆，下次要再食过！饮品方面叫左鲜奶伯爵茶，拉花靓之余口感亦非常绵滑，饮落去有浓浓嘅茶香味，而奶同茶嘅比例恰到好处，唔会偏重任何一边。