巴西燒烤餐廳 (已結業)

我唔系第一次评巴西烧烤, 但今次忍唔住要帮佢平反一下.前几日想再黎呢间巴西烧烤食野, 得闲所以上黎睇下d食评, 睇下d质素有冇唔同, 因为毕竟几个月冇黎~! 睇完之后好惊, 好似冇咩好食咁, 但决定左唔会改变, 所以今日中午12点几同老公黎左呢度食lunch buffet.我同老公基本上次次黎呢度都系食lunch buffet, $58 +1, 有餐饮, 觉得佢好抵. 今日所见, 烧烤食物种类好多, 有火腿, 肠, 牛扒, 猪颈肉, 鸡肾, 鸡扒, 鸡脾, 鸡翼, 鱿鱼, 脆瓜, 鸡脾菇, 叉烧, 金沙骨, 我相信我冇数漏(唯一系冇羊扒, 不过我同老公都唔食羊肉既). 出面的热盘仲有我最钟意既猪仔脾! 当然其他热盘质素就比较参次. 我唔知我地好彩定系咩, 我次次黎都有好多烧烤食物, 仲要几好味添, 真系唔系某d食章讲到咁差. 我觉加埋一每人$64, 有咁多野食, 真系好抵, 服务态度同环境方面唔可以苛求, 但以我所见, waiters and manager虽然唔系笑笑口, 但都好自动过黎帮我添饮同埋收碟~!我会继续帮衬~!