恆香冰室 (京瑞廣場2期)

营业中

休息中

今日第二次到恒香试早餐，今次终于叫到吉猪啦，仲要见到觉得比钱系大晒嘅奥客～先讲食物～叫左吉列猪扒拼脆皮肠配 3.6牛乳香滑炒蛋 ＋脆炸薯饼 ＋牛油粟米＋热香饼$48例牌叫冻斋啡走甜～吉猪上台时仲系出烟嘅，外脆内软，外皮刚刚好不会太厚，调味恰当。写就薯饼，黎就薯格，虽然事小但最好同客讲声，炸到好嘅，咬落去唔会一口油。炒蛋，够热够嫩滑，冇渗水。热香饼，正常。其他叫货嘅正常啦。冻斋啡，都属于正常。基本上同第一次食嘅水准一样，属于正常冰室以上嘅水准。戴返头盔先，我觉得好唔好食≠你觉得好唔好食，好唔好食因人而异。同场加映～奥客～话说 四人卡位有贴繁忙时段两人坐埋一边，咁我睇住个阿叔同个大妈，人哋店员入坐已经叫佢坐埋一边，佢哋唔理，咁个店员都无奈，大妈到餐时店员再提一次，都唔理，阿叔果份到时再提个阿叔话得啦有客我会坐过去，点知，开始冇耐，真系有客，咁个店员有礼貌唔该前唔该后，但个阿叔闹爆人，话食紧野叫佢调，应该一早讲，⋯⋯睇到我O咀，个店员硬食，不过佢又猪左，阿叔同大妈讲啲嘢都好信？店舖有时强硬多数都系由西客起，比个几廿蚊当自己皇帝咁。