PizzaExpress (已結業)

上次试过屯门新开既分店，有d失望，今日出开观塘探朋友，顺便试下呢间分店既水准先。餐厅厨房以开放式设计，用玻璃间格，望落开扬整洁，感觉良好。香酥鱿鱼圈，旧柠檬好似放左几日咁，鱿鱼圈食到鱿鱼味，但外层一d都唔香酥，可能唔系新鲜炸起。 虾肉烩意大利饭，卖相唔错，米饭粒粒饱满，煮得软硬适中，可惜个白汁味道偏淡。松露菌薄饼，热辣辣香气扑鼻，饼皮够脆，茄汁底够味，不过食唔到松露菌味，好食，但似一般茄汁底薄饼，冇咩特别。海鲜薄饼，饼皮更薄又脆，但由于冇汁底，海鲜又唔够鲜甜，所以只食到饼底味。以薄饼店黎讲，2款甜品都合格，味道唔太甜。而且主要都系食云呢拿雪糕，作为薄饼后既甜品，唔错。