橫綱

营业中

休息中

第二次嚟帮衬，从未坐过水吧位，咁啱上一台客刚刚离开，我哋两个人就可以试吓坐。纵然拉面店一贯座位狭窄，然而店家贴心地将座位设计成凳底可以摆放随身物品，一赞。大堆调味料任君自行调味。细饭先上，嗱几时都系咁话，唔好贪口爽响主打食面嘅地方点饭食，认真麻麻哋。日式咖哩嘅所谓「甘口」甜味，个人唔系太识欣赏，而只有两小块牛肉嚟讲，个人觉得小器咗啲。之不过咁，呢个饭绝对系唔难食嘅。所谓嘅「味玉」就即系有调味嘅糖心蛋，蛋嘅熟度恰到好处，除咗劲正嘅日本蛋味之外，佢仲有一啲酒味咁嘅独特调味，好食！虽然呢个面冇叉烧，但系佢有一啲疑似系叉烧切片时剩低嘅边角料，咬落焦香爽口，拍得住叉烧，仲冇咁多肥肉添！个人其实唔建议食酱油味嘅汤底，点解呢？因为佢个汤底好似冇熬过咁，好似只系用酱油沟出嚟咁样，但系饮落又几清甜，冇猪骨汤咁滞。面绝对系爽口靠得住，而且配菜都系清新好味嘅。叉烧更加唔驶讲啦！足料油润香口好味！