樹屋泰廚

营业中

休息中

好耐之前已经知道树屋会搬过嚟金鸡，几个朋友都话食物味道及卖相比以前精美，价钱合理（比以前系熟食中心贵少少）；毕竟而家食物成本贵左，价钱有调整都好正常！香叶肉松炸皮蛋皮蛋外包住少少肉松，加四季豆香叶及泰式酱汁去炒好惹味。爆炸三文鱼鲛将鱼鲛炸脆，再加干蒜辣椒干等炒香，类似避风塘式既做法，惹味，香口，鱼鲛内仲有少少肉汁，超级好送酒！泰北清汤牛筋腩锅味道唔错，泰式清汤腩，不过我觉得似牛肋肉多d（冇牛腩咁肥腻），清清地，跟个泰式酸辣汁，可一试。泰汁烧猪肋骨味浓肉质软淋，腌得好好食，又烧得有少少㶶边极之香口，推介！！泰式生虾有别于外便要自己点汁既生虾，用shooter杯装住上枱，成只虾浸住好惹味又有卖相。摆入囗再加埋块生蒜片，饮少少酱汁，几个朋友都食得好过瘾！！烧安格斯牛扒5成熟，又系靠晒个汁，唔错！辣椒膏大蚬＋泰式椒盐鱿鱼须味道水准之内，略严个汁太厚，唔可以空口食，要跟包或者饭食。鱿鱼须够香脆味浓，送酒之选！象啤买5送1，$115/6支 好抵饮。小店坐位唔多，建议订枱。