White Button Cafe & Dessert (已結業)

呢间餐厅啲食物相我系见过的，IG-able, 但冇嚟试过，终于喺佢结业之前有机会试一次。虽然佢就嚟执笠 ，但系佢嘅质素令我不敢恭维，第日东山再起嘅时候， 希望有改善啦。被告知每人有最低消费150元， 基本上一个正品加一杯饮品都一定过。餐厅嘅食物选择其实唔算多，系几款沙律小食同十款左右意粉。意粉嘅味道其实 ok嘅， 虽然佢同价钱唔成正比， 用料太孤寒。百几元一个意粉，总要有点点诚意吧。饮品呢，一半人觉得冇问题，正正常常。另一半就觉得淡而无味，尤其系饮热花茶本，就好似咁热水一样。大家互相试饮过，确实真系。甜品都叫咗两个千层蛋糕同两款梳乎厘奄列试下。玫瑰蜂蜜味𠮶个系零玫瑰味，仲要有少许发酵味， 而且系扁塌了，偏溶的状态。紫薯𠮶个质感系正常嘅，但系紫薯味道唔系太食到。梳乎厘奄列系造成奄列状嘅梳乎厘。其中一个应该系发得唔好，中间系实嘅。味道方面 ， 梳乎厘冇问题，个汁都系好麻麻。