三多麵食

营业中

休息中

自从炮台山桥底间云吞面铺唔再有一啲大粒大大啖原只虾嘅云吞卖之后，好难先比我揾番间有咁鲜爽甜大件夹抵食嘅云吞，重有劲好味嘅栢叶蚬芥鲮鱼球鲜牛河奶茶.....好可惜，佢做到今个月二十七号就拜拜，个老细又好似无心恋战咁，唉，唯有吃佢一碗云吞河，一杯奶茶，一个栢叶外卖($55)同一打鲜虾云吞($38)益下我屋企人。栢叶无漂白比较有益，爽得嚟唔似漂白个啲咁人工化，加理啲姜葱鼓油，超正，有时佢会无货或者卖晒，我今次真好彩。云吞唔驶我讲啦，大大粒虾多猪肉爽唔咸鲜甜好味。其实牛肉面牛筋牛腩都好好味架，一个人食唔到咁多咋。重有啲伙记阿姐都好亲切友善，极唔舍得。老细唔做，可唔可以话比我知个云吞师傅会去边间做呀？