影片
更多
2023-11-30
1616 浏览
大大话话帮衬咗 outback 好多年 - 细细个澳洲读书开始, 初出嚟做嘢去铜锣湾锯个高级少少嘅牛扒, 到有家室之后去尖沙咀扶老携幼睇灯饰, 高峰期一个月去一两次都走唔甩, outback 确实系老少咸宜之选。从来都系喜欢佢嘅踏实, 服务同食物质素嘅稳定: 热烘烘嘅面包, aussie cheese fries, 辣鸡锤, ceaser salad, toowoomba pasta, steak, 当然唔少得一杯杯冰冻嘅啤酒啦。到近几年, Moko outback 就系我一班中学嘅兄弟指定嘅生日庆祝餐厅, 无他嘅, 男人老狗 - 坐得舒服食得ok就可以, 所以次次都懒得拣其他。我哋睇返啲相, 自从2018 开始已经无间断地喺度庆祝生日, 可惜, 终于系时候讲分手。其实已经比多一次机会, 对上一次六月份嚟已经觉得唔对路 - 再见唔到𠮶班礼貌勤奋嘅本地后生仔女, 由大排长龙变到只有一半入座率, 由每五分钟就托出一盘盘嘅小食牛扒到而家啲服务员都系围埋倾偈, 仲有连洗手间都坏埋… 到今次十一月再食, 服务质素依旧不复当年, 而最令人叹息系整体食物质素都严重下降… 系严重到呢班最冇所谓嘅麻甩佬
从来都系喜欢佢嘅踏实, 服务同食物质素嘅稳定: 热烘烘嘅面包, aussie cheese fries, 辣鸡锤, ceaser salad, toowoomba pasta, steak, 当然唔少得一杯杯冰冻嘅啤酒啦。
到近几年, Moko outback 就系我一班中学嘅兄弟指定嘅生日庆祝餐厅, 无他嘅, 男人老狗 - 坐得舒服食得ok就可以, 所以次次都懒得拣其他。我哋睇返啲相, 自从2018 开始已经无间断地喺度庆祝生日, 可惜, 终于系时候讲分手。其实已经比多一次机会, 对上一次六月份嚟已经觉得唔对路 - 再见唔到𠮶班礼貌勤奋嘅本地后生仔女, 由大排长龙变到只有一半入座率, 由每五分钟就托出一盘盘嘅小食牛扒到而家啲服务员都系围埋倾偈, 仲有连洗手间都坏埋… 到今次十一月再食, 服务质素依旧不复当年, 而最令人叹息系整体食物质素都严重下降… 系严重到呢班最冇所谓嘅麻甩佬, 都耍手拧头…
明白而家市道唔好, 做餐饮真系好困难… 但Moko outback 跌watt 嘅程度实在太严重, 亦俾多一次机会了, 所以唯有讲再见啦… 最后补充多少少, 六月份去𠮶次系星期三, 十一月份𠮶次系星期一, 唔知星期五六晚会唔会好啲? 又或者其他分店嘅服务同食物质素应该仲ok? 呢个留俾outback 粉丝去发掘啦, 我就暂时离场先喇…
张贴