蘭州拉麵店 (已結業)

睇「荃湾友」嘅fb page知道佢7月9日关门大吉，先发现佢同荃湾另一名店山西刀削面原来系同一个老细。位于力生楼下，未搬入荃湾前已经听过朋友推荐，但路过好多次都无入过去食。page内有人话呢间好食过其他两间分店，所以趁最后三天帮衬一下。店内只有四张圆枱，好云吞面铺的格局，感觉同沙咀道那间装修后的刀削面铺好大分别，呢度感觉亲切温馨好多。上海云吞拉面+豆浆，$48，上次去刀削面𠮶边都系食上海云吞刀削面，只碗一样，但汤底就不一样，呢个似大地鱼汤底，𠮶边就系豉油汤底，我比较钟意呢个，比较有鲜味。见住姐姐喺店内亲手包紧云吞，呢度嘅云吞皮薄，同刀削面𠮶边厚皮又完全唔一样，同样都系钟意呢度多啲。拉面有韧性不黏口，同样出色。光荣结业，期间有不少熟客街坊到场作最后支持，厨师们会到另外两间铺继续工作，不致失业，所以没有什么离愁别绪，反而谈笑风生。他们谈到「荃湾友」page内网友给它们的称赞，更感自豪，而我在旁就会心微笑。他们如数家珍地说著对每个熟客的印象，我想转了新铺应该再找不到了。