三少爺 (已結業)

上次试过之后觉得唔错，今日喺尖沙咀附近行街就再去试过。跟面会送＄10以下饮品，两个人埋单唔使加一大约＄140左右，呢个区全抵食。香茅猪扒捞檬$55朋友就试呢一款，佢话猪扒略为失色，上次系即叫即炸，但系今次似系炸完放左一阵先上菜，较为干身，有点失望。捞檬果汁就有点酸，似乎退步左。香煎鸡扒捞檬＄55呢个系我食，鸡扒都煎得干身左少少，外皮煎到好松脆，但鸡肉就较干，檬粉份量不少，食一碗都好饱，有点失望的是，个招牌葱油冇以前咁香。猪颈肉＄30呢款系唯一我同朋友讲觉得好食嘅小食，上菜时就闻到好香，外皮够脆，肉质够弹牙，不会过油，下次会再点。零系忌廉梳打平时好少饮汽水，真系第一次见有呢款饮品，同普通忌廉梳打味道一样，但系唔会咁肥。