三少爺 (已結業)

濃濃 蝦湯麵是日放假，屋企四幅牆梗係困唔住我啦，行街搵食是基本常識吧！講到喺尖沙咀嘅韓國街，就一定諗起韓燒！但係我仲未癲到下午茶食韓燒 不過我竟然俾一間門面唔太突出嘅餐廳吸引住，吸引我嘅係一陣唔應該屬於韓國嘅味道！呢間係一間以蝦湯湯底主打嘅餐廳。既然第一次試食，梗係試佢嘅招牌菜 - 皇牌三少爺蝦湯面。碗麵同間餐廳一樣，麻雀雖小，五臟俱存；橙紅色嘅湯底，加上豐富嘅配料：鮮蝦、切片豬腩肉、魚片、雞蛋、通菜、豆卜。餓底嘅我一睇到就已經胃口大增先講主角蝦湯底，雖然濃但係唔會過咸，食落啖啖蝦味，亦十分鮮甜，飲完個湯唔會覺得好口渴，應該落咗唔少心機食得出用心製作，相當出色。鮮蝦同想像一樣爽口，雖然連殻，但係蝦身開咗邊，唔會食到好論盡；腩肉相當淋，滷得入味之餘好有口感，腩肉油香，同蝦嘅鮮味好夾。菜和豆卜吸哂湯底嘅味道，令到味道更一流。雞蛋雖然都唔錯，不過我對溏心蛋有情義結，希望可以變溏心蛋食完整碗三少爺蝦湯麵一定要飲哂個湯底，唔飲就一定後悔同場加影，三少爺嘅生炸蝦餅每日新鮮出品，自家製作，絕對真材實料，最重要係即叫即炸！炸皮炸到金黃色熱騰騰十分鬆脆燙口，唔會同蝦膠分開，蝦膠口感彈牙仲好Juicy

一個月前來試過，今個月又心思思想食，於是有空閒就來回味一下。由於選擇很多，所以還是選試上次食過覺得不錯的吧！1. 三少爺蝦湯麵 $90蝦湯底仍然清甜，保留到上次給我的好印象，麵質有彈性剛剛好，難得的是連菜也爽脆不馬虎。2. 二少爺海鮮喇沙 $73由於上次已對這個上湯麵了癮，所以已成為我心中的必食，很滿足，很香很惹味3. 炸雞脾 $35是友人的最愛，我都忍不住要搶他的來食，正啊4. 瑞士雞翼 $30這是我要再叫的，上次那份熱滕滕又濃味令我很喜歡，所以這次也是叫你了。這次水準仍然保持到啊，所以一定再有下次，等我啊！ 因為跟上次叫的食物一樣，所以這次就沒有拍照了。

🍴三少爺蝦麵🍴$90唔知多唔多人好似我咁超鐘意食海鮮味湯底既麵💓次次都好似食拉麵咁飲哂d湯呢碗蝦湯麵都叫數一數二濃味👍🏼師傅用成7斤蝦淆6個鐘 唔飲哂去對唔住自己😂料都有好多 魚片頭彈牙 腩肉都好均勻😋豬頸肉就反而一般般～唔夠肥🙊🍴芝士蝦春卷🍴$48芝見佢外皮以為係炸粉🤔原來係炸芝士黎👍🏼脆卜卜芝士配入面栗米蝦餅 好特別～.🍴生炸蝦餅🍴$48蝦肉好大舊 性價比好高😂呢2樣係小店最出名 重每日限量😂要食趁早～.地址：三少爺尖沙咀金巴利街7-11號地下（韓國街內）幸福指數：8/10 （抵食👍🏼）

今日睇完醫生六點，如果返到屋企先食飯又要煮就成七點幾，於是去試下呢間面店。鋪頭幹凈，骨子，仲有大電視睇。老板娘即刻比menu我睇，當然要食店裏面最出名的三少爺蝦面啦！再點左個炸蝦餅先講蝦面，食得出個湯好重蝦味，無味精，真材實料煲出來。好多餸，個腩片好入味，！不過本人覺得個湯仲差小小未到point🤔🤔 個面有90分！炸蝦餅- 幾好食，彈牙，一開四幾細心個餐跟飲品，有維他奶飲阿！總括來講都唔錯，有誠意的小店，成街食韓國菜都可以做得住，努力！

上年12月見飲食男女介紹呢間小店，特別推介呢度湯頭用料十足，於是期望甚高！加上當時灣仔某蝦麵店公告將會結束，更急於搵取替品以免日後冇好既蝦麵食，忍唔住用名店嘅食物質素來對比，結果一試失望⋯湯既色水似誠意爆燈，但入口只有淡淡既蝦味，可能我飲慣名店既濃烈蝦湯，飲完口中都滿溢蝦既鮮甜味，久久未散，但三少爺既呢一口本身屬賣點既湯底，對比起來非常失色唔明點解Open rice咁多好評⋯另外我下午茶時段去，人客唔多但我落單起碼等3個字先上菜，效率唔太高。唸住蝦麵唔得再試下廚師推介既小店炸雞肶，入口調味太咸，實在無癮⋯埋單1人$150，$100食一碗唔合格既蝦麵，再加埋唔合格既小食，唔太值得，唔會再幫襯⋯

今天找到一間隱蔽的馬來西亞菜小店。選擇都算多三少爺蝦湯麵 （粗麵）意想不到湯底頗為清甜，而且有點像龍蝦湯，魚片頭和蝦都很彈牙蛋黃不是很實很乾那種，不錯二少爺海鮮喇沙金邊粉我自己很喜歡這個 湯底微辣又有少少甜，金邊粉很幼完全吸收了湯，吃到停不了口 炸雞脾炸得頗為利害，肉都腌得很入味，大大隻 瑞士雞翼的汁都是正常甜甜的，肉很嫩，熱藤藤很可口 總括是這家的湯底都做得很有心思比起連鎖店真的有誠意得多。

意想不到的驚喜 蝦湯面位於尖沙咀 韓國街 當中得一間 以蝦湯做 主打的 湯面 所以吸引左入去皇牌蝦湯面 登場 配料 餸菜 份量十足 有鮮蝦 相當新鮮 半熟蛋 魚片 亦十分美味湯底 鮮蝦味十足 飲落啖啖蝦味 亦十分鮮甜 食得出用心 製作 炸蝦餅 賣相已相當 吸引 食落 啖啖蝦肉 感覺彈牙十分不錯 地方雖小 但誠意十足

呢間餐廳很骨子，平時食lunch 經過都好多人等位，我本人好鐘意食喇沙，因此決定今晚跟情人一齊食下。一入店內，環境舒服，掛了特色畫仲有牆上貼上大數字鐘，很吸引。睇下餐牌都幾多選擇。由於佢ge 蝦湯麵都幾出名，我地叫了香煎雞排蝦湯麵，佢d 蝦湯好香濃，飲左一啖，充滿濃濃蝦味，相信用了很多蝦去淆製而成，佢地d 雞排幾厚身，啖啖肉，但仍然煎得好香好味，油麵我至愛，同蝦湯好配合。另外，當然叫了我鍾意的喇沙配炸雞脾，見到炸雞脾甘大隻，很吸晴，雞脾炸得好脆，雞肉又唔會乾身，不是一般茶歺廳貨式，炸功一流，咸味剛好而喇沙亦令人相當難忘，很有馬拉風味，喇沙少少辣，略帶椰奶味，配上金邊粉食，相當好食。我地另外叫了2個小食，包括：大少爺雙炸及古法豬頸肉，大少爺雙炸係指炸蝦餅及芝士蝦春卷，蝦餅非常鮮味，外脆內軟。芝士蝦春卷亦炸得好好，芝士味唔會太濃蓋過蝦味，兩者配合得宜。而豬頸肉亦整得好好食，煎得好香口，肉身又淋又有肉汁唔乾身。飲埋汽水，成餐食得好滿足，樣樣都好好味。

三少爺 一間喺金巴利道韓國家好特出既食店 因為佢係食東南亞食品 有撈矇 炸脾喇沙等等 食店地方唔大 以木枱櫈為主 環境企理 小食 大少爺雙炸 48 蚊 生炸蝦餅 芝士蝦春卷 各一件 炸蝦餅切成4 舊 出面炸得好香脆 茨粉唔會太多 而入面既蝦味夠哂彈牙 蝦肉充足 充滿蝦香 芝士蝦春卷 比較長身 食落口感更脆 咬落 有少少蝦膠 食落好有彈牙既口感 而食到最後亦有啖啖芝士香 , 而兩樣食品既蝦膠都係手打 用心之作古法豬頸肉 30 蚊 一碟豬頸肉切開6,7 件 豬頸肉唔會肥膩 出面煎得帶點香脆 油脂唔多但足夠 所以食落有啖啖油香 而豬肉十分軟滑 有好香既豬肉香同juicy點以甜酸醬好好味蝦湯類 三少爺蝦湯麵 90 蚊 (有10 蚊飲品送 若多過10 蚊就補回差價) 入面有 蝦 切片豬腩肉 魚片 雞蛋 通菜 豆卜 湯底睇menu係用 7 斤既海蝦殼同蝦頭 配合14 種香料 每日新鮮淆成6 個鐘， 每日得大慨60 碗。 其實個湯底一上枱已經有好香蝦味 落足料醬汁密度偏濃 食落帶有微辣 十分惹味 入面既魚片切得薄彈牙 豆卜盡吸湯底 肥瘦適中既切片豬頸肉 新鮮蝦碌 軟滑糖心蛋 再加上 爽口粗身有口感

今晚約了朋友在尖沙咀睇戲，之前先來個簡單晚餐，朋友想試下這間三少爺，我們六時半到達，已經坐滿了大半客人。剛坐下，店內職員就介紹這裡的大少、二少、三少，好... 一於試試。大少爺雙炸 : 招牌的生炸蝦餅及芝士蝦春卷雙拼，蝦膠彈牙，蝦春卷的外層尤其香脆，一問之下原來是用越南米紙卷包裹來炸，所以特別香脆。二少爺喇沙跟炸雞肶 : 這裡的喇沙比較像咖哩味，麵底是用金邊粉，不太淋身而同時又能吸收喇沙湯頭，不錯的組合。三少爺蝦湯麵 : 這個最為驚喜，鮮蝦大隻新鮮，滷汁腩肉入味非常，其他配料也非常豐富。而湯底更為重點所在，蝦味濃郁及鮮甜，令人不自覺一喝再喝。我和朋友非常滿足，整體上這是一間不錯的星馬 fusion 菜。

今日同個朋友去食呢間野 甘岩佢話想食東南亞野食 甘岩包個條街 就去左食lu 究竟好冇咩呢🙆？首先 我地叫左個炸雞肶蝦湯麵個湯有少少甜 吾算太濃味 味道岩岩好 而且飲完個湯吾會覺得好口渴 原來系因爲冇落味精 全部都系師父自己調味 岩哂我地追求健康人士啦 少少辣 但都會接受到🤗炸雞肶炸得好脆 而且肉質都幾嫩口 仲可以叫佢幫你切開黎食tim 好細心之後仲叫左個豬頸肉份量真系好多 而且呢個價錢同呢個地區比 真系抵食 冇諗過份量可以甘多 真系值得一試呀！當然吾少得叫個大少爺双炸如果想試哂春卷同炸蝦餅就岩哂你地 一次過滿足哂你2個要求 哈哈 炸粉吾多 炸得幾金黃 睇得出d油都系乾淨 吾會系黑色既 而且個炸春卷入面有粟米同芝士 粟米同芝士岩岩好可以中和反 吾會太溜 而炸蝦餅幾彈牙 呢個都要試下呀！仲有叫左個胡麻豆腐沙律d豆腐好滑 而且d胡麻醬汁都好夠 成個感覺都幾清新 沙律菜都好新鮮 想清下腸胃都可以試下總括而言 系尖沙咀黎講食到甘既質素同價錢甘平真系好難得 下次一定會再食呀！

上次試過之後覺得唔錯，今日喺尖沙咀附近行街就再去試過。跟麵會送＄10以下飲品，兩個人埋單唔使加一大約＄140左右，呢個區全抵食。香茅豬扒撈檬$55朋友就試呢一款，佢話豬扒略為失色，上次係即叫即炸，但係今次似係炸完放左一陣先上菜，較為乾身，有點失望。撈檬果汁就有點酸，似乎退步左。香煎雞扒撈檬＄55呢個係我食，雞扒都煎得乾身左少少，外皮煎到好鬆脆，但雞肉就較乾，檬粉份量不少，食一碗都好飽，有點失望的是，個招牌蔥油冇以前咁香。豬頸肉＄30呢款係唯一我同朋友講覺得好食嘅小食，上菜時就聞到好香，外皮夠脆，肉質夠彈牙，不會過油，下次會再點。零系忌廉梳打平時好少飲汽水，真係第一次見有呢款飲品，同普通忌廉梳打味道一樣，但係唔會咁肥。

尖沙咀吃lunch看似好多選擇，但想吃平小小真係難。要找60元樓下的,而又可以坐得舒舒服服，其實不多呢！今日想是吃得快d 清d, 所以試了這間三少爺... 本身俾個招牌蝦面吸引，但一睇原來要成90多元，覺得未吃過唔知咁大投資係咪抵(我是好精明的銷費者！所以反轉個menu 叫了老闆娘大力推薦，只要55元的豬頸肉撈檬 (還汽水一罐)... 真心覺得好抵好好吃！份量夠料足, 豬頸肉厚身又夠爽脆, 加上個粉質地夠彈身，配上新鮮的菜和nuts , 吃落好fresh 好開胃，加上自家調製的汁，令人勁想成碗吃唒！我同同事都大叫好吃！我另外一個同事叫了雞扒撈檬，一樣優秀，55元包飲野,其實性價比幾高。還要一提就是野飲全都是可口可樂公司，如果是減肥的女生，更可以選zero 系列,有7up light , Coke Zero, cream soda zero,好貼心！

妮妮肯陪我吃飯超開心，今晚好想吃一碗暖烘烘的湯麵，看看openrice三少爺的評價很高，就決定去試試妮妮點了三少爺蝦湯麵，材料超豐富，滿滿的一大碗。湯汁是濃郁蝦湯，每一口都是精華和香甜，味道非常鮮甜，並沒有讓人喝了會口渴的鹹味。食材有蝦、豬腩肉、魚片、雞蛋、通菜和豆卜。還有一整顆蛋，太幸福啦蝦肉非常彈牙。麵吸了湯汁後非常濃郁好味我要了二少爺海鮮喇沙。這款喇沙湯底是較重咖喱味，湯底濃香得一端上來就一直在飄香。配以青口、魷魚、蝦仁、芽菜和豆卜，滿滿一碗真的挺美味！妮妮還要吃一份雞排。煎得火候剛好，外皮脆脆的，肉質飽滿又充滿水份，雞肉超嫩，點酸甜醬吃更有東南亞風味。而必須要重點推介的就是這個大少爺雙炸。雙炸包括生炸蝦餅和芝士蝦春卷，雖然等候時間會久一點點，但因為是即叫即炸的緣故，吃起來口感和味道都是最好的。蝦餅紮實飽滿，外皮香口，蝦肉味道鮮而彈，超愛吃蝦餅的我非常滿意和喜歡而最最最喜歡的是這個芝士蝦春卷。真的意想不到那麼好吃，特別之處在於選用越南的春卷皮，更脆更薄，而芝士厚厚地包著蝦肉，芝士份量毫不馬虎，味道好香濃，還配上栗米粒令口感更清爽～超愛這個，絕對的必吃推介！吃超飽超滿足～

今晚和朋友去尖沙咀金巴利街買韓國食品，經過一間叫三少爺的食店，門口放有餐牌，看看又幾吸引，就入去試試吧！餐廳地方不大，但環境整體雅潔，坐得舒適。招牌食品，當然不能錯過喔！三少爺蝦湯麵：材料豐富，有蝦、豬腩片、魚片、雞蛋、通菜、豆卜。湯底是用超過7斤海蝦拆出蝦殼和蝦頭，加入14種香料煲6小時，淆成為蝦湯精華，非常鮮甜又濃郁👍二少爺海鮮喇沙：材料有青口、魷魚、蝦仁、豆卜、芽菜。湯底是重咖哩味的星加玻喇沙，有點辣，也是一個很濃味的湯底，好味😋生炸蝦餅：用新鮮海蝦做成蝦膠，即叫即炸，香脆彈牙！👍芝士蝦春卷：蝦膠加入芝士和粟米，炸得香脆，又有口感，非常好味！😋瑞士汁雞肶：即叫即製，雞肉非常入味，肉質鮮嫩多汁😊