影片
更多
2021-06-09
45 浏览
建议： 下午茶时段2-5:30pm，有4个餐拣👍 (餐牌可睇最后几张图)行完太古诚品，因为未食午餐开始有啲饿饿地。醒起椰小盅就系诚品2楼，可以去食番个下午茶，饮碗炖汤 🤣 相比上一次，今次既人流多左，卡位都要等一阵先有。落完单之后，店员有空闲亦会主动执枱清洁👍 今次试左：▪️粮心饭套餐 (HK$58)🍚上野慢煮牛筋+紫薯饭+玄米茶女仔黎讲，饭餐份量都算 OK。不过男仔就可能要加多碗汤先够饱。牛筋煮得都几淋，唔会太实，够入味之如，仲充满胶质😎 送饭一流另外，餐饮可以拣：玄米茶/山楂茶。仲有其他饮品拣 (+HK$9)：豆浆、酸梅汤 同 汽水▫️小葱拌面配鸡翼 (HK$30)因为实在系太饿既关系，追加左一个拌面。食落面质有啲干身，最后加左几羹汤再捞一捞👍 不过葱油味唔系好够，反而似鸡翼既瑞士汁 (?!)。两只鸡翼都几好味，亣唔会太嚡口。▪️搪瓷素汤 (HK$52)素汤饮落清清地，去下肉既油腻都唔错。虽然相比之前试过既椰盅汤，味道无甘浓椰子味，但汤料都几足，食到有：粟米、红萝卜、赤小豆、无花果、腰果 同 栗子。▫️下午茶D餐 (HK$42)糯米鸡+百合雪燕炖桃胶 糯米鸡劲大只，估唔到几多料，入面仲有只
行完太古诚品，因为未食午餐开始有啲饿饿地。醒起椰小盅就系诚品2楼，可以去食番个下午茶，饮碗炖汤 🤣
相比上一次，今次既人流多左，卡位都要等一阵先有。落完单之后，店员有空闲亦会主动执枱清洁👍
今次试左：
▪️粮心饭套餐 (HK$58)
🍚上野慢煮牛筋+紫薯饭+玄米茶
女仔黎讲，饭餐份量都算 OK。不过男仔就可能要加多碗汤先够饱。牛筋煮得都几淋，唔会太实，够入味之如，仲充满胶质😎 送饭一流
另外，餐饮可以拣：玄米茶/山楂茶。仲有其他饮品拣 (+HK$9)：豆浆、酸梅汤 同 汽水
▫️小葱拌面配鸡翼 (HK$30)
因为实在系太饿既关系，追加左一个拌面。食落面质有啲干身，最后加左几羹汤再捞一捞👍 不过葱油味唔系好够，反而似鸡翼既瑞士汁 (?!)。两只鸡翼都几好味，亣唔会太嚡口。
▪️搪瓷素汤 (HK$52)
素汤饮落清清地，去下肉既油腻都唔错。虽然相比之前试过既椰盅汤，味道无甘浓椰子味，但汤料都几足，食到有：粟米、红萝卜、赤小豆、无花果、腰果 同 栗子。
▫️下午茶D餐 (HK$42)
糯米鸡+百合雪燕炖桃胶
糯米鸡劲大只，估唔到几多料，入面仲有只鸡翼🤣 不过蒸既鸡翼，肉质就嚡左少少。但整体既味道都中规中矩，而且好饱肚。
一盅百合雪燕炖桃胶做饭后甜品作结😎 清清甜甜都唔错，每一啖都有好多桃胶，炖到好软身👍。雪燕既份量相比之下唔系好多，不过绝对对得起依个价钱。
张贴
