神廚館 (已搬遷) 新店位置

来到大角咀，自然谂起神厨馆，因为自从上次食过后对佢既美极牛扒念念不忘。挣扎左好耐系咪应该试一试新野（例如几条街远的金船长），但最后都系都系不自觉地回到神厨的身边...午餐时段，白领们都一批批出来揾食。神厨馆就系汇丰大楼正对面，起初仲以为一定爆晒，但竟然仲有位。可能系因为比较细，只有三四张枱既关系，汇丰的员工们来食野都只会系外卖。虽然系因为挂住个牛扒而来，但都谂过好唔好试新野。妈妈话试过个咖哩牛腩麻麻地，到最后都系叫返美极香煎薄牛扒。好似我依D唔介意口臭的人，最钟意就系牛扒上面的蒜头同葱! 好少餐厅煮𩠌会用美极，仲要系个菜名度写埋系用佢，但D配料同牛扒就巧妙地同美极非常之夹。比起上一次，个汁好似感觉上冇咁香，而且好少，但已经心满意足了。食左少少妈妈的招牌煎蛋海苔窝烧墨鱼饼饭。墨鱼饼香脆可口又够甜，果然系招牌! 将荷包蛋整穿加甜豉油捞饭，简直一流。妈妈八卦咁想知佢究竟点整依个墨鱼饼，只见到有女侍应将一大桶好似沙律既物体捧左入厨房。原来个大桶野就系墨鱼饼的原料（即系墨鱼同红萝卜粒），跟住侍应就系度慢慢将D粒粒搓成球状...有朋友试过神厨馆既其他食物，都系觉得麻麻地。同样地，跟餐的冻奶茶一D茶