火土燒肉

餐厅以路营为主题，除左装修外，餐具都系露营系列，我地坐系露营枱配露营椅，即刻有种去左露营嘅感觉！.职员亲切有礼，会好主动介绍座位上摆放嘅餐具，纸巾同不同类别嘅酱汁等，亦会跟据我哋喜好推介食材.A5宫崎和牛幻切沙巴当 $298整系听个名真系唔知系咩😂店员推介呢款，我哋未食过所以一于点黎试下😎沙巴当系牛肩里肌同肋骨肉之间嘅一个部位，大概系牛肩胛部嘅下部，接近肋骨嘅部分，含有均匀紧密嘅霜降油花，店员帮我哋烧到7成熟，肉味浓郁，肉质软嫩，不过油分较重食得太多会有少少漏.澳洲甜橙和牛三叉肉及大三角肉$138呢个亦系店员推介话系新出，甜橙和牛是一款采用香橙喂饲嘅和牛，会令到牛肉变得鲜嫩细腻。牛肉口感细腻、入口即化，油花均匀，仲有独特既果香.厚烧豚腩肉$168猪腩肉有几款味道可以拣，我哋就拣左塩酱。猪腩肉劲肥瘦分布平均。油脂劲丰富，烧到外面焦脆好好食，而具完全唔会韧.烧鸡皮饺子卷(生) $48以鸡皮取代传统饺子皮。外皮烧到金黄酥脆，而内馅鲜嫩多汁！虽然好邪恶但又好食.松叶蟹肉蟹膏拌饭 $88拌饭上铺满鲜甜嘅蟹肉丝，面头有鹌鹑蛋，每一啖都系食到蟹肉蟹膏，好满足。