影片
更多
2021-12-04
18 浏览
再访Susoshu仍然觉得好好食！今次嚟到就转咗新嘅餐牌，同样地齐备寿司同熟食。最钟意佢哋嘅菜式够多元化，传统得嚟又加添少少新意，唔会过份沉闷，主厨仲好热情咁同我交流饮食心得添，系非常令人满意嘅一餐🥰• 献立 $1480- 海老他他脆筒 将紫菜做成脆筒，包住甜虾他他、自家制芝士酱、山葵渍、腌黄萝卜等材料，不论层次感抑或味觉上都十分丰富，令我更加期待之后嘅菜色呢😳- 白子天妇罗白子可选刺身或天妇罗，因为之前已经食过几次白子刺身，所以就拣咗特别啲嘅天妇罗版。同刺身嘅感觉截然不同，炸浆做得好轻薄，外脆内creamy，也更香口，对于唔食白子嘅人嚟讲依个天妇罗版本应该都较易接受😌- 呼子鱿鱼烧卖这道呼子鱿鱼烧卖原来系源自于佐贺县嘅中华料理，因为疫情关系冇得去旅行，所以店家就将此名物带回香港！鱿鱼口感弹牙，不会难咬，包住嘅系黑毛猪肉☺️- 时令寿司四贯四贯寿司分别有千叶县金目鲷、北海道秋刀鱼、青森县大间中拖罗同火炙右口鱼边。中拖罗采用铁板烧嘅概念，先用火枪将铁板烧热，再利用铁板嘅热力将鱼料嘅表面炙熟，此做法令拖罗嘅味道多一份独有嘅焦香，又不会有火炙嘅气味，鱼味会更突出！右口鱼边则非常适合火炙，加上蒜
• 献立 $1480
- 海老他他脆筒
将紫菜做成脆筒，包住甜虾他他、自家制芝士酱、山葵渍、腌黄萝卜等材料，不论层次感抑或味觉上都十分丰富，令我更加期待之后嘅菜色呢😳
- 白子天妇罗
白子可选刺身或天妇罗，因为之前已经食过几次白子刺身，所以就拣咗特别啲嘅天妇罗版。同刺身嘅感觉截然不同，炸浆做得好轻薄，外脆内creamy，也更香口，对于唔食白子嘅人嚟讲依个天妇罗版本应该都较易接受😌
- 呼子鱿鱼烧卖
这道呼子鱿鱼烧卖原来系源自于佐贺县嘅中华料理，因为疫情关系冇得去旅行，所以店家就将此名物带回香港！鱿鱼口感弹牙，不会难咬，包住嘅系黑毛猪肉☺️
- 时令寿司四贯
四贯寿司分别有千叶县金目鲷、北海道秋刀鱼、青森县大间中拖罗同火炙右口鱼边。中拖罗采用铁板烧嘅概念，先用火枪将铁板烧热，再利用铁板嘅热力将鱼料嘅表面炙熟，此做法令拖罗嘅味道多一份独有嘅焦香，又不会有火炙嘅气味，鱼味会更突出！右口鱼边则非常适合火炙，加上蒜汁更添惹味🤤
- 𩽾𩾌鱼肝
最近经常能够食到𩽾𩾌鱼肝，不过依度嘅做法有少少特别，用咗牛奶浸泡鱼肝之后再蒸，口感极其细滑，搭配底下嘅酸汁啫喱一齐食，调味简单更能突显𩽾𩾌鱼肝嘅原汁原味✨
- 究极海胆
Susoshu嘅Signature之一，用上浜中小川赤海胆，每一瓣都厚肉，鲜甜浓郁一试难忘😚
- 松叶蟹甲罗烧
蟹盖中放入蟹膏、松叶蟹肉、鹌鹑蛋、味噌同葱，拌匀后再放到炉上烧，烧紧嘅过程中香气不断涌出，入口甘香浓郁，鲜味久久不散🤤
- 时令醋物
当日嘅系柚子醋啫喱，酸酸地开下个胃再迎接下一道菜🧡
- 特制和王和牛寿喜烧
「和王」亦即系和牛之王嘅意思，属于熊本县嘅顶级和牛。使用A4等级，油香丰富得嚟唔会太腻，加上自家制寿喜烧汁，焦香中带甜，非常好食！落咗少少山椒粉调味，吃罢舌尖有少少麻痺感，感觉几特别😌
- 樱花虾粉荞麦面
系上次食过觉得好惊喜嘅荞麦面！今次可谓系升级版，加咗樱花虾粉再香口咗同多咗少少脆口嘅感觉，荞麦面一贯烟韧，依然系我心目中荞麦面嘅No.1！
- 夜空寒天
用咗「澪」气泡清酒制作而成嘅寒天冻，味道清新，美貌同内在都兼具☺️
张贴
