影片
更多
2024-12-26
612 浏览
依家香港飲食市道迎難而上🥲，但係我地兩次黎盈苑都係人山人海😲，真係可以講一句真金不怕紅爐火🤣，我覺得最主因都係出品穩定得黎仲要十分抵食🤑，所以先可以咁深受支持🙂↕️。~商務三寶 ($218)二百零蚊竟然可以叫到五款美食，夠哂抵食呀。1)流沙黃金海蝦 蛋黃炒起哂沙超正，不過唔知係咪搞錯左我地食到一半都係食到黃金南瓜😂，不過見佢咁好食又忍唔住食哂🙂↕️。2)籠仔龍躉班頭腩飯呢個份量真係多到離哂譜😯，成個點心大蒸籠咁大🥸。龍躉都比得一啲都唔手軟😛，飯就吸收魚既香氣👍🏻。呢個單叫嘅話都有個午市優惠$88。3)黑金流沙包🥯果然係佢地既signature👍🏻，內餡超級流心🤤，又有濃濃既奶香味。呢個真心推介😛。4)天津小籠包小籠包就比其他美點有少少失色🤏，皮夠薄，但如果入面既肉汁再多D就好啦😌。5)醬皇金錢肚好肥厚既金錢肚🤤，食到啖啖肚既感覺，成舊都入哂味真係唔錯👍🏻。跟住我地就有散叫到其他😙，蝦餃燒賣叉燒包呢啲必叫嘅就唔再逐一介紹啦😌，反而想講下呢個功架十足嘅~招牌燒鵝皇 ($168)燒味師傅幾代人傳承🧑🍳，真係兩次食兩次都咁驚艷。個皮燒得好出色👍🏻，而且幾鍾意佢仲有得熱住，咁就唔驚食到一半凍晒
~商務三寶 ($218)
二百零蚊竟然可以叫到五款美食，夠哂抵食呀。
1)流沙黃金海蝦
蛋黃炒起哂沙超正，不過唔知係咪搞錯左我地食到一半都係食到黃金南瓜😂，不過見佢咁好食又忍唔住食哂🙂↕️。
2)籠仔龍躉班頭腩飯
呢個份量真係多到離哂譜😯，成個點心大蒸籠咁大🥸。龍躉都比得一啲都唔手軟😛，飯就吸收魚既香氣👍🏻。呢個單叫嘅話都有個午市優惠$88。
3)黑金流沙包🥯
果然係佢地既signature👍🏻，內餡超級流心🤤，又有濃濃既奶香味。呢個真心推介😛。
4)天津小籠包
小籠包就比其他美點有少少失色🤏，皮夠薄，但如果入面既肉汁再多D就好啦😌。
5)醬皇金錢肚
好肥厚既金錢肚🤤，食到啖啖肚既感覺，成舊都入哂味真係唔錯👍🏻。
跟住我地就有散叫到其他😙，蝦餃燒賣叉燒包呢啲必叫嘅就唔再逐一介紹啦😌，反而想講下呢個功架十足嘅
~招牌燒鵝皇 ($168)
燒味師傅幾代人傳承🧑🍳，真係兩次食兩次都咁驚艷。個皮燒得好出色👍🏻，而且幾鍾意佢仲有得熱住，咁就唔驚食到一半凍晒啦😚。
✨ 5位以上星期一至六食午市/下午茶記得用電話訂座📞，會有半價茶介💰。
张贴
