秋香 (黃金海岸商場) (已結業)

今次去到黄金海岸分店，环境光猛啲同楼底超高，平日晚市都差唔多full house。另有outdoor位同朋友饮返杯食下串烧都唔错呢！点咗晚市二人前套餐，内容物都几丰富，有前菜、刺身三点盛、二人前炸物、串烧盛、煲仔饭及甜品。我地冲住佢嘅盐烧白鳝煲仔饭嚟，食落都无令我地失望，质素有保持到！白鳝爽弹，边位带少少焦脆，但要小心细骨～而煲仔饭调味一流，每粒米饭都裹满酱汁，拌匀埋蛋黄增添了湿润感，夹杂葱花同少少饭焦食落好香。套餐其他食物都唔错，刺身三点盛有三文鱼、油甘鱼同带子，每款都切得几厚身。炸物有唐扬炸鸡、广岛蚝、吉列炸虾。炸虾超巨型，广岛蚝都几鲜甜。串烧有和牛粒、手羽先、波板豚肉串、大啡菇、秋葵、菠萝，特别钟意波板豚肉串，好特别！最后仲有一客甜品，当晚满足了！