影片
更多
2016-06-14
1056 浏览
Monkey baby话系时候要Meet Up，叫我谂地方，阿Tom又响中环返工，咁就去我一向觉得又好食又好睇既Naked吧！再去，见到不死的樱花树都会很开心，第一，可以在冷气房赏夜樱，第二，唔使夹晒赏樱期，买好机票酒店去到都未必有，呢家咁欣赏，咪舒舒服服啰。赏完樱又系时候点菜了，我咁爱Oyster，当然要点两只先开心啦！第一只有风干西班牙火腿片响蚝面，而就有豆腐芝士衬底，加埋蚝平时的海水味三种口味几夹，三种都有唔同的咸味，面的比较单薄而咸香，蚝就系澳洲Rocky Bay蚝，有爽脆口感，底层就Thick同Creamy。 第二只系泰式的，上面有似迷你版的提子的海葡萄加泰式辣汁，食完又唔觉得好辣，层次感无第一只咁丰富，有啲似半熟的感觉。爱食蚝的我，不自觉点埋第三款蚝，呢次系炸蚝，讲真，呢个菜唔点系我既损失，有睇开我食评既人都知道我系一个死硬明太子超粉，今次有炸蚝放左系明太子上再响上面加片大海胆，三款美食集于一个菜色令三心两意的人不用点三个菜，一次过有晒三个享受。海胆完全无腥味，大大只，好厚身，明太子响我想用"温柔"来形容佢，因为没有平时的明太子那么强烈及重口味，衬托著炸蚝同鲜味海胆无咁抢过
Monkey baby话系时候要Meet Up，叫我谂地方，阿Tom又响中环返工，咁就去我一向觉得又好食又好睇既Naked吧！
再去，见到不死的樱花树都会很开心，第一，可以在冷气房赏夜樱，第二，唔使夹晒赏樱期，买好机票酒店去到都未必有，呢家咁欣赏，咪舒舒服服啰。
赏完樱又系时候点菜了，我咁爱Oyster，当然要点两只先开心啦！第一只有风干西班牙火腿片响蚝面，而就有豆腐芝士衬底，加埋蚝平时的海水味三种口味几夹，三种都有唔同的咸味，面的比较单薄而咸香，蚝就系澳洲Rocky Bay蚝，有爽脆口感，底层就Thick同Creamy。
第二只系泰式的，上面有似迷你版的提子的海葡萄加泰式辣汁，食完又唔觉得好辣，层次感无第一只咁丰富，有啲似半熟的感觉。爱食蚝的我，不自觉点埋第三款蚝，呢次系炸蚝，讲真，呢个菜唔点系我既损失，有睇开我食评既人都知道我系一个死硬明太子超粉，今次有炸蚝放左系明太子上再响上面加片大海胆，三款美食集于一个菜色令三心两意的人不用点三个菜，一次过有晒三个享受。海胆完全无腥味，大大只，好厚身，明太子响我想用"温柔"来形容佢，因为没有平时的明太子那么强烈及重口味，衬托著炸蚝同鲜味海胆无咁抢过风头。
食日本野点都要叫返啲寿司先似样嫁，呢度又以食物画画了，将卷物砌成一幅4D画，饭内有天妇罗虾，樱花虾，而有带子同明太子梅花间竹放响寿司面上，带子整粒上，唔会切粒，食到鲜味，同脆虾一齐食，上面滑下面脆，加埋惹味烧汁，Yummy！不过都唔够夹埋明太子咁Yummy！想增添味道？可以加点红菜头粉，少少甜，有啲鲜。
成晚我最欣赏既系呢道菜，看似普通的鳗鱼饭团，它的"烧焦"味道超香及均匀，鳗鱼份量不少，加上半融芝士，超香浓，唔止鳗鱼有咬口，连芝士都有啲烟韧，简直内外香浓有质感。
呢餐好满足又倾到好多计，店员服务又好，不时见到枱上食完既碟就收，又会讲返上菜既菜名咁，总之全程都感觉良好，令大家食得舒服。张贴
