囍碟 (已結業)

囍帖街重建之后，第一次走入呢条街觅食。呢度餐厅普遍都系走中高价路线，但系今日食呢间囍碟，价格绝对平民得多。价格平民，但系质素绝不马虎。无论系餐厅嘅装潢、餐牌、以至系侍应嘅服务质素，我都觉得系上乘级数。而食物方便，亦都令我地称心满意。先有喇沙虾牛油果沙津炸云吞，上枱时热辣辣，新鲜即炸，当然非常之吸引啦。先喇沙虾本身酱汁滋味，虾身弹牙兼有份量，已经够晒满足。再加上软滑牛油果嘅口感，同埋脆卜卜嘅脆片，口感大丰盛。另外斑兰叶烤春鸡亦值得推介，鸡肉嫩滑，香草配料亦令味道层次升华。香味唔单止停留系鸡皮之上，仲渗入鸡肉之中，真系非常之惹味; 而蟹黄包亦都可以一试佢地海鲜嘅质素，蟹肉份量够多之外，亦真系食得出啖啖鲜味，而唔会有雪藏味道，证明用料新鲜。最后嘅两道甜品，炖蛋甜味适中，质感软滑，如丝般嘅口感，令人想食多件XD 而「饭后果」有雪葩、丰富杂果以及窝夫，绝对唔会差过甜品店嘅质素!