影片
更多
2016-01-07
1278 浏览
早前晌西环嘅Chico Chica品尝过一餐味美嘅西班牙菜，仲喺记忆犹新之际，今日同朋友嚟到尖沙咀嘅Playa de Papagayo食晏，同样以西班牙小食（Tapas）挂帅，但就同时兼卖唔少意大利菜式 。虽然圣诞啱啱过咗，但与老友相聚，只要心情好，一样可以好似过节日咁开心！非办工日尖沙咀嘅中午都比较静，同样，顾客都比平时少，依度地方大，楼底高，故此空间感更强。再晏啲，虽然客人多咗，但仍感觉自在舒适 。餐厅周六、日及假期嘅早午餐时段（Brunch, 12:00pm-5:00pm）正正做紧正价餐牌嘅七折，点菜就可以更手松 。不过，餐厅所指嘅时段，我就觉得喺午餐及下午茶时段喇（Lunchea）！优惠又岂止于此，人头计加多$118（要点选食物及只限于12:00pm-4:00pm）就可以任饮红酒、白酒或气泡酒（Cava，只有法国出产先可以叫香槟），啱晒酒鬼。当然，好似我哋唔喺个个都咁饮得，散点一渣西班牙生果酒（Sangria）共享嚟高兴吓，反而喺个几上算嘅选择。摊开个餐牌，一大页有乜选举都一眼睇晒，种类包括西班牙小食、汤、沙律、薄饼、汉堡、意粉、烧烤、主菜、甜品。西班牙小食（Tapas）
非办工日尖沙咀嘅中午都比较静，同样，顾客都比平时少，依度地方大，楼底高，故此空间感更强。再晏啲，虽然客人多咗，但仍感觉自在舒适 。
餐厅周六、日及假期嘅早午餐时段（Brunch, 12:00pm-5:00pm）正正做紧正价餐牌嘅七折，点菜就可以更手松 。不过，餐厅所指嘅时段，我就觉得喺午餐及下午茶时段喇（Lunchea）！
优惠又岂止于此，人头计加多$118（要点选食物及只限于12:00pm-4:00pm）就可以任饮红酒、白酒或气泡酒（Cava，只有法国出产先可以叫香槟），啱晒酒鬼。当然，好似我哋唔喺个个都咁饮得，散点一渣西班牙生果酒（Sangria）共享嚟高兴吓，反而喺个几上算嘅选择。
摊开个餐牌，一大页有乜选举都一眼睇晒，种类包括西班牙小食、汤、沙律、薄饼、汉堡、意粉、烧烤、主菜、甜品。西班牙小食（Tapas）更多达成33款 ，平贵都有，定价由$58-$128，唯独啲西班牙24个月黑毛猪火腿就段重量计$138 / 100g，唔好忘记仲有七折优惠，真喺丰俭由人 。
此外，睇佢装饰及高脚枱櫈你都知喺酒吧格，所以，酒类饮品非常多，当然，非酒类嘅亦不少，依个时段更以欢乐时光价收费，喺咪又好吸引呢！
White Sangria $238 依度嘅西班牙生果酒出奇地唔喺得一款，足足有成5款，我哋试试以白酒混入青苹果利口酒及生果嘅White Sangria，一渣都够5-6个人享用。色泽淡黄而清澈，更插有一整条玉桂，入口有少许果香，先嚟一阵阵冰凉清爽，所以，有种错觉喺几易入口，继而散发出一股酒劲，如果酒量浅真喺唔觉唔觉好易醉。
Papagayo自家制鹅肝酱配橄榄、脆多士 $98 卖相十分精巧，自家制鹅肝酱就喺橙红色𠮶两粒，成粒腐乳咁款，配上青橄榄同黑橄榄，最有趣喺𠮶两粒白色珠珠，原来喺乳酪嚟，以份子料理嚟演绎。将鹅肝酱涂晌脆薄片之上，加粒橄榄、伴少少乳酪，晌脆薄嘅口感中，又有绵密幼滑嘅感觉，鹅肝酱嘅丰腻，又有乳酪嘅酸为佢平衡一下，感觉好微妙 。
烧焗猪手件配自家制酸椰菜 $68 有吃一般常见嘅猪手成件咁上，而喺「煎皮拆骨」起晒肉，伴有薯蓉及酸椰菜，极之方便客人食用。啲猪手皮烧焗得非常脆，咬落咔咔声，又香口 ，肉质无想像中咁肥腻，咸咸香香，衬住啲自家制嘅酸椰菜嚟食，一啲都无油腻嘅感觉，卖$68喺一个好亲民嘅价钱 。
烧焗猪手件配自家制酸椰菜
$68
75 浏览
4 赞好
0 留言
店家共有4款薄饼供应，拣咗个平平哋嘅四式芝士，边四式？睇餐牌就知，就喺车打、巴马臣、莫沙里拉（即喺水牛芝士）及羊奶芝士，一上枱已经香喷喷到不得了，卖相金黄，吸引死 。批底喺薄身嘅「饼干」底，所以，当小食都可以，而且边位好脆，芝士味香浓馥郁，软绵柔滑，芝士迷嘅不二之选。
四式芝士薄饼
$108
118 浏览
2 赞好
0 留言
黑松露野菌意大利扁面 $128 另一客饱肚美食就喺意大利扁面，意粉或意大利饭类合共亦有4款选择，黑松露、野菌都喺小弟嘅偏爱，亦喺经常被「菌」绑式嘅组合。扁面以小瓷盘盛载，咪睇佢细妯个份量可不少，扁面煮得咬口，恰到好处，而且，条条都充满黑松露酱，又多野菌，幽香滋味，好味得无「松」置疑 ！
澳洲羊仔扒配薄荷醋汁 $268 餐牌中有一类叫「On Fire Main」，顾名思义你都明白喺烧烤类嘅主菜，澳洲羊仔扒一客有3支骨，份量不少，伴有薯蓉及数款烤野菜。最钟意喺佢再加埋啲宝云酥（香草面包糠）嚟焗一焗，立时成件事升级晒 ，宝云酥好香脆，羊仔扒外层焦香，内层鲜嫩，富肉汁，用料及烹调手势都水准甚高，无怪乎一致赞好 。
澳洲羊仔扒配薄荷醋汁
$268
62 浏览
3 赞好
0 留言
鲜奶咖啡 $40之前睇过人家嘅食评，讲到个法式蒙布朗盐味朱古力蛋糕好正，但食得实在太饱，最后连甜品都食唔落，不过，就真喺想叹杯咖啡嚟轻松一下。鲜奶咖啡，制作似模似样，但口感唔够平衡，始终佢都喺间酒吧而已！
无论西班牙小食，抑或其他菜式，都做得甚出色，加上又有不少优惠，值得推介俾老友嚟叹叹午餐又或下午茶，好好享受一个悠闲下午 。
张贴
