影片
更多
2024-04-27
4164 浏览
小弟本身都几钟意食星马菜，所以，以菜系而言，星马菜确喺相对食得多。而呢一间「苏山鸡饭」长沙湾分店好耐之前都曾经嚟过，无论质素、价位都好啱心水，趁今晚无饭开就约咗住晌附近嘅表哥落嚟聚一聚，食餐星马菜。环境就唔太多讲，因为上次食评都有交代，简单而言，地方够大（分左右两边），地砖、装修都带点马拉怀旧茶室风，啲卡位又宁舍大张阔落，舒服好坐。简单嘅调味料、餐纸及餐具放晌枱边，而呢度都喺用二维码落单，合介面都易用，相信大家都熟晒点搞，不过，如果加配咖央多士一环可以加多栏「后上」就更贴心，唔使另外再同侍应讲。由于二维码落单，所以，都无问佢哋拎餐牌睇，好在临走时见收银旁有啲外卖单张拎，加上时隔年半，价钱都有所转变（睇落无乜太大加价），扫瞄晒出嚟俾大家参考一吓。菜式嘅选择由午餐、下午茶、招牌鸡饭、推介、汤粉、蔬菜、小食、特色饮品到甜品，都充满星马风味，又有多种加配优惠，仲要无加一添，唔怪得咁多街坊帮衬。黑白鸡饭 $93第一次去长沙湾店就食咗招牌菜「狮城芽菜走地鸡饭」，第二次去太子店就试新嘢「牛车水酱油鸡饭」，今次嚟见有款「黑白」，啱晒啦，一次过俾表哥试晒两款招牌鸡，仲配上鸡杂清汤、鸡油饭。一整盘套餐送上
环境就唔太多讲，因为上次食评都有交代，简单而言，地方够大（分左右两边），地砖、装修都带点马拉怀旧茶室风，啲卡位又宁舍大张阔落，舒服好坐。
简单嘅调味料、餐纸及餐具放晌枱边，而呢度都喺用二维码落单，合介面都易用，相信大家都熟晒点搞，不过，如果加配咖央多士一环可以加多栏「后上」就更贴心，唔使另外再同侍应讲。
由于二维码落单，所以，都无问佢哋拎餐牌睇，好在临走时见收银旁有啲外卖单张拎，加上时隔年半，价钱都有所转变（睇落无乜太大加价），扫瞄晒出嚟俾大家参考一吓。菜式嘅选择由午餐、下午茶、招牌鸡饭、推介、汤粉、蔬菜、小食、特色饮品到甜品，都充满星马风味，又有多种加配优惠，仲要无加一添，唔怪得咁多街坊帮衬。
黑白鸡饭 $93第一次去长沙湾店就食咗招牌菜「狮城芽菜走地鸡饭」，第二次去太子店就试新嘢「牛车水酱油鸡饭」，今次嚟见有款「黑白」，啱晒啦，一次过俾表哥试晒两款招牌鸡，仲配上鸡杂清汤、鸡油饭。一整盘套餐送上嚟，卖相吸引。
黑白鸡饭
$93
43 浏览
0 赞好
0 留言
先试「白鸡」，食落鸡皮好爽，皮下脂肪又少，啲肉嫩滑鲜味，去晒骨，啖啖肉；试埋「黑鸡」，似似哋豉油鸡，浓郁得嚟带点甜味，同样皮爽肉嫩。佐食嘅3款酱汁：姜蓉、秘制辣酱、黑酱油，够晒传统、地道。
巴东牛肉配江鱼椰浆饭 $85印象中都好耐无食过巴东牛肉，所以，呢个我就想试一试，碟饭仲配咗只卤蛋同好多花生粒、江鱼仔，而个椰浆饭加咗班兰汁去煮，一身青绿，不过，班兰本身嘅味道唔强，煮出嚟嘅饭都唔会话食到好大阵班兰味，但胜在卖相吸晴，最紧要喺饭粒分明，入口软熟。
至于「黑掹掹」嘅巴东牛肉，咬落极之松化，除肉香，仲渗出复杂嘅香料味，再带少许辣劲，够惹味，确喺有质素。
咸鱼蓉怡保芽菜 +$23加配咗一碟菜，之前试过「参巴酱通菜」，今次就介绍表哥试试怡保芽菜。大大碗几足份量，啲怡保芽菜肥嘟嘟，多汁爽脆，加上咸鱼蓉自然添几份咸香惹味感，不过，个人嚟讲，再加多啲就仲好。
冰爽砂拉越菠萝冰 $48小弟向来都钟意饮菠萝冰，晌网上见到呢个「菠萝冰」就更加想试，单喺原个菠萝咁上，仲加多一大片菠萝圈，已经赢晒焦点，无得输。有别茶记嘅菠萝冰，佢实际喺沙冰嚟，打得细滑，饮落唔会有碎冰感，冰度啱啱好，无过冰嘅问题，每口都满满嘅菠萝清甜香味，饮得出真材实料嚟。依家开始天气热番，更加「应节」，温馨提示一吓，成个菠萝沙冰份量坚多，一个人真喺饱到上顶，建议两个人「些牙」就仲好。
冰爽砂拉越菠萝冰
$48
12 浏览
0 赞好
0 留言
开心果椰子奶昔 $32表哥就见呢个奶昔几特别，就不如试试新嘢，顾名思义就喺开心果搭椰子做成嘅奶昔，一身青绿再加片薄薄叶，几好睇。先讲个口感，打得幼滑顺口，虽然好青绿，不过就以椰子味突出啲，而开心果味隐隐约约，但整体嚟讲确喺好唔错。
鲜油咖央多士 +$15后上一客咖央多士，点都要嗌呢个俾表哥一试，一来有特色，二来「苏山」做得有水准。单喺睇见片厚到不得了嘅牛油，已经有点震撼感，尤其依家啲菠萝油块鲜牛油越嚟越薄。多士烘得香脆，中间嘅咖央清甜，配上厚切鲜牛油，𠮶份「脂」味唔喺人人识欣赏呢个邪恶之下嘅美味。
鲜油咖央多士
72 浏览
0 赞好
0 留言
三嚿水唔使，就饱到过晒心口，但最紧要喺啲嘢食得呀嘛，好食之余份量又足，啲妹妹仔招呼又好，无话要受气，所以，值得我再返兜又返兜！
张贴
