牛一 (元朗廣場) (已結業)

约朋友到元朗广场食晚饭，见到牛一新开张，一于就食牛一。朋友对牛一甚有好感，食过好多次，食物新鲜，环境舒服！入座前已经问定要咩汤底，所以坐到埋位好快就上汤底。我地叫左昆布汤底，清清地，算健康！因为我地叫左澳洲和牛Set，想品尝牛肉既鲜味。澳洲和牛一客大约有6-7块，雪花分布平均。当汤滚起，滚5-8秒就食得，好滑，好易入口！豚肉都唔错，有口感得黎唔会有渣。如果想食得清淡，可先放萝卜、南瓜、冬瓜、粟米、虫草花等等，再慢慢食和牛，的确唔错！牛一既丸类算系选择多，特别系墨鱼丸，好味好弹牙！日式葛丝我最钟意食！其实同薯粉差唔多，但葛丝比较清新，唔会有济既感觉！食多d都唔怕啦！打完边炉，食到好饱都有雪糕同乳酪做饭后甜品！今日有芒果味乳酪同云尼拿味雪糕！加埋果冻粒好爽口！食完之后，个口都好舒服！原来元朗呢间分店有北海道黑豚腩片8片做紧会员价$38，系几抵食既！下次一于试埋呢个！