霸嗎拉麵 (已搬遷) 新店位置

又黎朝圣啦，今次带埋个朋友仔一齐黎食，有好野梗系要架啦。望下格离台，叫左个炙烧豚肉味玉拉面，未谂到食乜好，一于跟风先。豚⻣汤底够杰身，系我钟意既口味，但又唔会成口味精既感觉。一个好既汤底，绝对系成个拉面既灵魂。所以基本上饮啖汤，你就会知道呢间舖头既质素。。。另外叉烧好肥美呀，又够哂厚，再加上少少焦，食落好香口。味玉够流心，而且蛋味好出，味道坚正。烧饺子系我去拉面店既必点之物，因为佢总系可以烧到有层脆皮脆卜卜，而且馅料份量都多，唔会得层皮。系屋企自己尝试过整几次，但都系失败，睇黎我都系出去食好过。唉。静冈蜜瓜梳打系再次ENCORE架～因为平时系出面好少见有得饮，黎左两次都叫呢个，味道唔错，蜜瓜味唔会太假，值得一试。最后最后，再叫左个绿茶雪糕，两份食，食完个拉面可以清爽下～正～今次食完朋友仔都大赞无介绍错，听人讲炸鸡都唔错，下次一定要再食。