孖寶 (已結業)

上次黎过呢间孖宝小馆，今次难得经过上水，决定同老公再黎食过。餐厅虽然系喺上水嘅横街入面，但喺火车站行10分钟就会到，所以都唔算难揾，而且食物味道好，价钱又合理，行入黎都值得嘅。好喜欢四周嘅图画我地叫左个水牛城鸡翼，安格斯牛肉芝士汉堡同海鲜意大利饭。老公爱食呢个水牛城鸡翼，鸡翼剪开一半用串穿上，卖相吸引，色泽好靓。味道主要以酸味为主，带点少辣，非常惹味。鸡翼外层虽然沾满酱汁，但仍然食到鸡皮好香脆，内里鸡肉软嫩多汁。安格斯牛肉有8oz，牛肉质素高，人手打成。连汉堡都可以拣几成熟， 系靓牛肉先可以够胆咁做。 我哋拣咗七成熟， 面包松软， 牛肉够juicy ，配上芝士，生菜，洋葱，酱汁，好食到停唔到口，亦系吸引我地返黎再食嘅原因。海鲜意大利饭看似普普通通，但做法正宗，意大利米有嚼劲，番茄汁酱令饭粒更加湿润，而且分量适宜，酸酸地，好开胃。海鲜用料方面好丰富，有带子，大虾,，鱿鱼，青口...等，全部材料都非常新鲜。可以加28蚊转餐，有汤同餐饮，如果7点半前入座，可以免费转餐，好抵。南瓜汤嘅南瓜打蓉成汤, 啖啖都系南瓜精华,几creamy。餐饮方面有好多选择，猪叫左热桂圆红枣，入口有微微嘅红枣香味，