影片
更多
2014-07-21
2754 浏览
之前一篇「Next Station Dessert… Mind your dollar please!」（因为列为试食文关系，被「自动」隐藏）已分享过当日所试嘅几款甜品及饮品：云呢拿泡沫配榴梿雪葩、粟子拿破仑、黑胡椒心太软配云呢拿雪糕、Mango Smoothie，都感受到店主对制作甜品𠮶份用料有要求，制作有心思嘅用心。所以，再下一城 ！都顺带讲讲，以前嘅「下一站...甜品」所卖嘅都有中有西，较为港式，但又颇新派，但新铺转型，摆明主打酒店级甜品，唔喺一般港式乜捞物捞、乜珠物珠之类，反正几位合伙人都喺出身自万丽海景酒店嘅甜品师，年资皆不浅，有嘅喺实力，制作自不然大胆啲、天马行空多啲都得，无拘束，既然目标清晰，啲甜品要做到酒店水准，自不然要落足心机 。全店实木枱椅，部份配置高脚枱椅，开放式厨房，一侧书柜玩味十足，几把怀旧吊扇，比起旧店，绝对喺型格大翻新 。 鸟结糖芭菲 $49 卖相甚有艺术气质，其实，芭菲属于小弟较少接触嘅甜品类别，芭菲主打成份喺忌廉及牛奶，所以，好重奶香，质感轻柔；据店员介绍，杏仁喺炒香打碎后加入而做成芭菲，唔怪得咁有浓郁杏仁香，有种「鸟结糖」嘅感觉 ，再
都顺带讲讲，以前嘅「下一站...甜品」所卖嘅都有中有西，较为港式，但又颇新派，但新铺转型，摆明主打酒店级甜品，唔喺一般港式乜捞物捞、乜珠物珠之类，反正几位合伙人都喺出身自万丽海景酒店嘅甜品师，年资皆不浅，有嘅喺实力，制作自不然大胆啲、天马行空多啲都得，无拘束，既然目标清晰，啲甜品要做到酒店水准，自不然要落足心机 。全店实木枱椅，部份配置高脚枱椅，开放式厨房，一侧书柜玩味十足，几把怀旧吊扇，比起旧店，绝对喺型格大翻新 。
鸟结糖芭菲 $49 卖相甚有艺术气质，其实，芭菲属于小弟较少接触嘅甜品类别，芭菲主打成份喺忌廉及牛奶，所以，好重奶香，质感轻柔；据店员介绍，杏仁喺炒香打碎后加入而做成芭菲，唔怪得咁有浓郁杏仁香，有种「鸟结糖」嘅感觉 ，再者，杏仁打得唔太粗又唔太碎，味道、口感均富层次，不失招牌之名。就连装饰用嘅杏仁脆片，睇得又食得 。
法式朱古力班戟配青柠雪芭 $56 将班戟做成「春卷」形，已见其心思。先讲讲个法式朱古力班戟，皮薄唔在讲，有图为证，内里填满朱古力慕丝、蛋黄加忌廉做成嘅Bavaroise及朱古力脆豆，其实以前旧店都有一款甜品叫「云呢嗱Bavaroise」，可是依家无再做喇 。慕丝软滑香浓，Bavaroise食落有点似吉士，不过挺身啲，配合埋朱古力脆豆，改变咗班戟口感嘅常规。而白雪雪嘅青柠雪葩，入口冰凉酸爽，下面垫有少少脆饼碎，又可令雪葩嘅口感唔单一 。
暖朱古力泡沫 $56之前一篇食评都分享过云呢拿泡沫配榴梿雪葩（「泡沫」系列一共有4款，两款暖泡：暖朱古力泡沫、暖拖肥泡沫及两款冻泡：云呢拿泡沫配榴梿雪葩、绿茶泡沫），个配搭确实几新鲜有趣，依次就分享两款暖泡。由樱桃酒浸车厘子、手指饼（当然唔喺嘉顿𠮶只啦）、野莓乳酪雪糕、朱古力脆豆及暖朱古力泡沬所组成嘅「暖朱古力泡沫」，有种黑森林蛋糕变奏嘅感觉 。暖朱古力泡沬嘅甜，跟野莓乳酪雪糕嘅微酸，有相互平衡嘅作用，车厘子好有酒香，不过，手指饼干身，个人认为麻麻，唔似做意大利芝士饼时𠮶种湿润带咖啡酒香，此外有太多朱古力脆豆亦唔喺咁好 。
暖拖肥泡沫 $56 上面个「暖朱古力泡沫」感觉麻麻，咁另一款暖泡「暖拖肥泡沫」又如何呢？卖相一层扣一层，已见心思，以百利甜酒所做嘅奶冻、薄薄一层特浓咖啡啫喱、鲜香蕉果肉、云呢拿雪糕、暖拖肥泡沫及杏仁脆饼打造，效果相当理想 。个暖拖肥泡沫就咁净食会偏甜，但夹埋特浓咖啡啫喱、云呢拿雪糕一羹过，意外个味道颇平衡 。加上奶冻软滑挺身，香蕉果肉又够熟，味道多变，质感富层次，就算冰火感唔太强，但对此甜品已十分满意。
粟香紫薯山 $65 打开餐牌时已经喺好想试嘅甜品，因为外型独特，加上试过佢嘅粟子拿破仑，粟子蓉做得确有一手。果然，粟子蓉粉香绵柔，浓郁粟子香味 ；而紫薯山底层嘅苤芽蛋白脆饼，无想像中嘅过甜，咯咯声咁脆；中层嘅日本紫薯蓉真喺超正，入口劲紫薯味，又搓得幼细软滑 ；为咗做得似座山，上层嘅云呢拿雪糕球就变得点缀大过实际，如果可以改为一个蕃薯雪糕球就一流嘞 ！其他装饰用嘅小粒紫薯蓉、薄脆少甜嘅红色脆糖，都落足功夫，绝对摆到似足件艺术品。
一个满足嘅下午，源于多款满意嘅甜品！美味，值得跟朋友一同分享。
张贴
