尚夢・茳煳 (已結業)

听讲呢间尚梦刚刚装修完，上次食晏昼时，听人讲夜晚嘅私房菜系几好，细佬又约食饭，咁就约黎呢间，唔驶谂。如果你之前都去过呢间餐厅，其实唔系装修咗好多，不过整体感觉舒适咗，不错，特别系呢一条街冇乜好坐嘅餐厅。先饮杯茶，佢啲茶叶又唔错。海鲜汤固定原来系日日set好的，是日个汤系松茸炖鸡汤，combination都几有趣，入口真系有几浓嘅松茸味，炖鸡算滑，几好食，闻落几香又有药材味。偏甜而食落几脆口嘅香酥陈皮骨系细佬当日几喜欢嘅菜式，好好送饭，无谂过陈皮加甜味系咁得意。客家鸳鸯菜使用鹤豆，白菜，甜梅菜炒埋一碟，我相信呢个系客家才有的菜式，微辣的感觉，更加适合而家微凉的秋天。点名作茳煳炒饭，炒得刚好，那股镬气我几钟意，本身其实好想试佢个芝士龙虾伊面，但两个人惊食唔晒所以食炒饭算。自家制糯米糍，芝麻馅幼细，整体实净有力，自家做嘅甜品来讲算几好。同上次食嘅感觉差唔会太远，餐厅装修之后，同上次对比感觉更加好，有机会同客人或者朋友食饭，绝对系一个几好嘅选择。