M3 Italian (已結業)

上次一别之后，每次想起都好挂住M3青口嘅嫩滑、猪鞍嘅爆汁、四重芝士薄饼嘅一碰即碎，更加有人一日到黑都话要再去食M3(有点难Book位）OK！既然系咁，今日就早少少去试下walk in 啦～!都好彩，时间尚早唔系太多人等位嘅时间又系睇menu嘅时候！好,今日就咁啦～!先嚟个头盘《啤梨蓝芝士焦糖合桃沙律》第一啖即刻咬中左旧蓝芝，一拥而上嘅蓝芝香味好正，再配合啤梨夹杂住焦糖合桃嘅香甜味，口感分层好开胃《鲜带子海胆烟三文鱼他他》哗！新鲜到，海胆浓香夹住海水味，再带领味蕾去品尝带子嘅爽滑，去到底层味道最重嘅烟三文鱼他他，明明已经有啲腻，但又被柚子嘅清香酸甜唤醒胃口《帕尔马火腿火箭菜薄饼》又一时心急大力左少少又掐碎饼边～!我真系好感谢发明火箭菜配帕尔马火腿薄饼嘅人，因为佢地真系夹到咩野咁～!（纯属个人口味，如果可以加埋羊奶芝士会更加如虎添翼）《蕃茄海鲜配意大利饭》记得有一次嘅元朗嘅餐厅食过一个难食嘅意大利饭，而今次哩个意大利饭真正满足到我嘅要求，虾脆、带子爽、青口嫩、墨鱼仔Q、有饭芯、口感Creamy。其实，我都好客易满足喳～!《烧澳洲牛柳配香煎鹅肝》牛柳肉质都几嫩火候控制得好，鹅肝嫩滑但味道唔够