青花 (THE FOREST)

之前食过一次青花几好，今次再encore！今次黎食仲系坐满哂人，好彩有预早book位。惹味拼盘 $96拼盘有鸡皮卷、酸肉香肠、泰式鱼饼、炸鸡枣，每款2件，可以一次过试哂炸物小食，个人最喜欢鸡皮卷，鸡皮炸得香口，入面系鸡肉馅，好似食紧炸鸡粒。酸肉香肠第一次食，个种酸味几特别，可以一试！路边炭火蒜炒猪腩生菜包 $118用蒜头粒炒猪腩肉，几重炭烧味，包生菜食好match，生菜望落都算干净无烂。泰式虎虾金边粉 $138再次encore系列，因为其他几款炒饭面吾岩口味，所以拣返呢款。貌相无变，味道都差唔多，2只虎虾仍然系大只！杨枝甘露奶盖 $48同样系encore系列，因为上次觉得好饮，再encore！吾叫甜品叫杨枝甘露奶盖当糖水都几好！蝶豆花椰子奶盖 $48蝶豆花既蓝色令成杯饮品变得好靓，饮落去似饮椰汁，吾太饮到奶盖既味道。