影片
更多
2024-07-02
5903 浏览
深水埗 中央饭店上次夜晚去咗中央饭店先发现原来夜晚冇得食点心， 今次终于中午去试到佢哋嘅点心， 久违嘅点心车好令人怀念～今日叫咗排骨蒸肠粉、 鱼肚烧卖、马蹄糕、 虾饺、 烧卖、 凤爪、 虾肠同咸水角， 今晚得返两只咸水角阿姐搭咗旧煎堆比我， 可以食多样～排骨蒸肠粉好好食， 排骨够滑冇食粉味， 肠粉底够滑唔会蒸到烂晒一坺嘢咁， 啲肠粉沟咗排骨啲肉汁同埋啲豉油停唔到口～鱼肚烧卖好鲜甜， 唔单止嚿鱼肚好食， 连上面𠮶旧烧卖都好正， 口感好好～马蹄糕唔敢讲话佢无沟薯粉， 但系马蹄粉嘅比较应该几高， 同外面食𠮶啲唔同， 马蹄味比较重～虾饺同出边𠮶啲都唔同， 我估可能啲点心系师父喺厨房自己包， 个虾饺皮冇出边𠮶啲咁薄咁透明， 但烟韧有口感， 唔会好似𠮶啲薄到一蒸完就痴粒粒一掂就烂， 啲馅又够多， 除咗虾仲有下滑同埋猪肉竹笋， 又鲜又弹牙， 好食～另外烧卖都系好明显同出边𠮶啲唔同， 系𠮶种旧式嘅烧卖， 同埋应该都系师父自己包， 唔似出边𠮶啲粒粒都好公正同埋啲皮好薄， 肉粒同埋碎肉嘅比例啱啱好， 质地比较实净口感好好～凤爪个味好好但系口感比较淋～咸水角同埋煎堆可能系因为点心车嘅原因， 可能已经推咗有一
上次夜晚去咗中央饭店先发现原来夜晚冇得食点心， 今次终于中午去试到佢哋嘅点心， 久违嘅点心车好令人怀念～
今日叫咗排骨蒸肠粉、 鱼肚烧卖、马蹄糕、 虾饺、 烧卖、 凤爪、 虾肠同咸水角， 今晚得返两只咸水角阿姐搭咗旧煎堆比我， 可以食多样～
排骨蒸肠粉好好食， 排骨够滑冇食粉味， 肠粉底够滑唔会蒸到烂晒一坺嘢咁， 啲肠粉沟咗排骨啲肉汁同埋啲豉油停唔到口～
鱼肚烧卖好鲜甜， 唔单止嚿鱼肚好食， 连上面𠮶旧烧卖都好正， 口感好好～
马蹄糕唔敢讲话佢无沟薯粉， 但系马蹄粉嘅比较应该几高， 同外面食𠮶啲唔同， 马蹄味比较重～
虾饺同出边𠮶啲都唔同， 我估可能啲点心系师父喺厨房自己包， 个虾饺皮冇出边𠮶啲咁薄咁透明， 但烟韧有口感， 唔会好似𠮶啲薄到一蒸完就痴粒粒一掂就烂， 啲馅又够多， 除咗虾仲有下滑同埋猪肉竹笋， 又鲜又弹牙， 好食～
另外烧卖都系好明显同出边𠮶啲唔同， 系𠮶种旧式嘅烧卖， 同埋应该都系师父自己包， 唔似出边𠮶啲粒粒都好公正同埋啲皮好薄， 肉粒同埋碎肉嘅比例啱啱好， 质地比较实净口感好好～
凤爪个味好好但系口感比较淋～
咸水角同埋煎堆可能系因为点心车嘅原因， 可能已经推咗有一段时间所以比较冻， 但系咸水角冻咗都唔会油淋淋， 味道都唔错， 希望下一次可以食到新鲜出炉～
其实本来已经好饱㗎喇， 但系因为食咗排骨蒸肠粉觉得好食之后忍唔住又叫咗一碟蒸肠粉， 本来想叫叉烧肠，但系阿姐同我哋讲话今日啲虾肠好靓叫我哋试吓， 阿姐冇呃我哋， 好食， 皮够滑， 下又够弹够脆， 最正系啲豉油， 好有以前细个食肠粉嘅感觉～
另外有一样嘢就系而家出去食点心多数都系得返特点同埋顶点， 大中小点几乎绝迹， 依度唔同， 我仲见到有大点同中点， 而次食就冇食到有小点， 真系好八卦想知小点有啲咩～
另外食紧𠮶阵时见到墙贴住张纸写下午茶一律$16好似， 买单𠮶阵时问几点开始下午茶， 阿姐同我讲两点开始， 下次再去扫佢场～
八个点心加埋茶位， 买单$214
张贴