影片
更多
2011-01-08
42 浏览
今日(8-1-2011 Sat)男友要返工,同佢食个’早’餐先啦.去边o度食好呢?佢话去千色店o个间日式西餐厅,我答A1?佢啲包同西饼麻麻咋㖞.落到o黎,行经Pokka,佢话系呢间.啊,原来佢指呢间,唔平o架㖞.我同佢行去A1睇睇先,menu上咁o岩有佢刚刚提过我o地旧年8月o系北海道四季彩之丘影婚纱相时,佢拣o既午餐~野菜鸡腿咖哩汤配饭,相影出o黎系一模一样o架,只售$49.00.之后行返去Pokka睇menu,哗!呢间啲o野贵好多,都系唔喇,去A1,叫你食野菜鸡腿咖哩汤配饭,睇吓呢o度好食啲定北海道o既好食啲.入到去,只有一枱客,我o地都被安排坐o系玻璃墙o既枱,我拣o左$58.00o既杂菜红酒烩羊膝配蒜香饭餐.男友要$65.00o既焗意式蔬菜猪柳伴山葵薯茸餐一会后,冇得拣o既餐汤同餐包o黎喇,餐汤系白菌忌廉汤,汤系稀稀的,我竟然饮到白米味而唔系忌廉味.到底呢碗系乜水呀?味道: 0.1分餐包暖暖地,系有啲松软但唔系超松软啰.味道: 2.8分等o左好耐,第一枱o既客人至有主餐食,我o地都系,因为呢o度o既厨房好细.男友o既焗意式蔬菜猪柳伴山葵薯茸到o黎喇,我嗅到一大阵茄汁酸味,佢移开
之后行返去Pokka睇menu,哗!呢间啲o野贵好多,都系唔喇,去A1,叫你食野菜鸡腿咖哩汤配饭,睇吓呢o度好食啲定北海道o既好食啲.
入到去,只有一枱客,我o地都被安排坐o系玻璃墙o既枱,我拣o左$58.00o既杂菜红酒烩羊膝配蒜香饭餐.男友要$65.00o既焗意式蔬菜猪柳伴山葵薯茸餐
一会后,冇得拣o既餐汤同餐包o黎喇,
餐汤系白菌忌廉汤,汤系稀稀的,我竟然饮到白米味而唔系忌廉味.到底呢碗系乜水呀?味道: 0.1分
餐包暖暖地,系有啲松软但唔系超松软啰.
味道: 2.8分
等o左好耐,第一枱o既客人至有主餐食,我o地都系,因为呢o度o既厨房好细.
男友o既焗意式蔬菜猪柳伴山葵薯茸到o黎喇,
我嗅到一大阵茄汁酸味,佢移开面o个件猪柳睇,咦?!有pat o野o既?
影低先.佢食啦,话系薯茸.佢系咁食,就话有wasabi味.啊,我o衣o家至谂起menu话有山葵,都唔记得添.然后试猪柳lu.猪柳好腍好松软,味道都可以o既,但山葵薯茸系几创新,又唔太辣.味道: 3分
之后我o既杂菜红酒烩羊膝配蒜香饭到o黎,
件羊膝大大件.开餐喇,食食吓,女侍应走o黎同我讲唔好意思,畀错o左意粉,我呆o左一呆,咁点啊?换过?佢问我介唔介意食意粉?啊,原来系咁,我答冇问题.之后问返男友,乜落单时有问要饭定意粉咩?我听唔到o既?佢答有,佢帮我答要饭o既.(o衣o家睇返影低o既menu,至知原来有写蒜香饭,重话系红酒烩,可能我一睇到羊膝就开心到其他o野都唔谂啦.)讲返羊膝,开头食落都好够腍,有少少膻味,但食到有一边系又o鞋又实,唔知系咪煮o既时侯冇帮佢转身呢?而意粉呢?睇到有忌廉汁煮,原来用忌廉煮o既,
呢只忌廉味就正常㖞,点解忌廉汤会咁差呢?而且意粉好够热.其实我觉得羊膝配意粉会比较适合.味道: 4.3分
最后系餐茶,男友要冻柠茶,我要热奶茶.好快就到o黎喇.我o地o既糖浆同淡奶都分开上.
我贪得意饮啖红茶,茶味唔系太够,然后加奶加一包糖.奶都冇加晒就成杯变o左热奶.
唉!饮到最后好甜,因为啲糖未熔晒.味道: 0.5分
环境:
今日天气都系得10度左右,虽然有阳光,但冷气仍可以开细啲啫,坐入面重冻过出面.不过都好阔落舒适o既.
张贴
