Are U Labeler

营业中

休息中

展开圣诞假嘅第一样嘢当然系瞓到自然醒，然后懒洋洋咁食返个bunch，上网揾到呢间喺旺角嘅cafe，俾佢嘅店名同立体拉花吸引到。一入门口就见到好多圣诞装饰，但最吸引我眼球嘅系用嚟写menu嘅黑色石墙，画满好多唔同嘅卡通，好有特色。吧枱亦放满饰物，影相一流。食物选择唔算多，但基本嘅意大利粉、意大利饭、All Day Breakfast同鸡翼薯条等等嘅小食都一应俱全。本来系为咗立体拉花而嚟，但店员话已经暂停咗一排，只有普通拉花，所以我哋叫咗两杯梳打。荔枝梳打面头有玫瑰花瓣，用双层玻璃杯装住，卖相别致。佢嘅荔枝味偏淡，唔会话好甜，饮落好清新，浸住嘅荔枝肉就好甜，好有对比，唔错。柠檬薄荷梳打比荔枝梳打更清爽，甜度适中，好清新解腻。All Day Breakfast好丰富，滑蛋炒得好香，蕃茄同大菇亦焗得刚刚好，牛角包带微甜，如果热啲就更完美，食完成碟觉得好满足。松露薯条已经够邪恶，仲要加埋芝士同香草，薯条炸得够香脆，而且份量都几多，芝士就可以再多啲。Cafe写意嘅空间令人觉得好放松，简单朴实嘅bunch亦为悠闲嘅一日打开序幕，可以话系假日嘅优质选择。