台灣麵

营业中

休息中

今日去左元朗打波 打完之后就周围揾野食医肚 咁岩行过见到呢间台湾面 入面好似几靓咁就去试下啦首先叫左台湾牛肉粗面 牛肉软滑之余亦富有牛肉味 牛肉本身有少少筋 但够软所以都好易咬之后叫左个鸡扒饭 鸡扒炸粉唔厚但系炸得好酥脆 肉质软滑 鸡味浓郁 我个人非常钟意酥炸花枝丸 另一个超水准既炸物 花枝即系鱿鱼 本身既肉质已经好弹牙 炸左之后仲加埋脆既口感 简直系一绝醉鸡翼拼海蜇 我个人其实好钟意食鸡翼 但系通常出面食到既都系咸到乜咁既老水鸡翼 呢到既醉鸡翼整得有酒味之余仲几开胃 令我食完又想食 海蜇咬口好好而且好弹牙 都系值得称赞之作