凱逸餐室

营业中

休息中

夜晚经过千色𠮶头，见到呢一间茶记出边有整煲仔饭，今晚天气冻冻地见到煲仔饭好吸引，一于入去试吓。嗱嗱临就拣一款煲仔饭啦，佢都有好多唔同嘅款式拣嘅，我哋就拣咗腊肠排骨饭。另外再叫多一个干炒牛河，两个人share嚟食。首先干炒牛河嚟先，因为煲仔饭系即整嘅所以都需要一啲时间。个干炒牛河中规中矩，唔会好多油都正常啦。终于个煲仔饭嚟啦见到条腊肠都几大条，仲有两条tim，食煲仔饭嘅精髓一定要叫腊肠嘅。个煲仔饭啲饭入边都做到有饭焦，唯一有啲可惜嘅系啲饭焦痴得太实好不不出来。另外每一个餐都一碗汤，饮落又唔系味精汤，有住家嘅味道，而且仲好足料，每碗有两只鸡脚添。