巴希雅海灣重慶燒烤

营业中

休息中

喺龙尾滩玩完，闻到香喷喷嘅烧烤味，忍唔住就过咗嚟BBQ！一入到黎就有左右两排嘅烧烤炉，已经坐满晒人好热闹。行入少少嚟到收银处，呢度同时都系拎饮品嘅地方，比完钱有专人带我哋去坐位，两位除咗任食嘅烧烤之外，仲送有一兜虾、两只大蚬、一兜蒜蓉牛油金菇、一只香蕉同两块菠萝。呢度采用嘅系串烧嘅烧烤炉，唔使自己叉食物，确认安全又方便。放低啲嘢即刻赶去拎食物，食物种类繁多，有各种蔬菜例如鸡髀菇🍄、蕃茄🍅、韭菜等等，仲有我最钟意嘅橙色番薯🍠同原条茄子🍆！肉类除咗各款肠仔、丸类之外，猪、牛、鸡、羊应有尽有！尤其系羊架，肉质嫩滑膻味十足！调味料方面有Rosemary香料同辣椒粉，仲有秘制嘅烧烤酱，而蜜糖就要另外加钱买。