有囍 (已結業)

就嚟新年喇 同朋友去完太子花墟办年货 于是就嚟到附近嘅呢间有囍食晚饭 虽然系闲日夜晚 但系都劲多人 估计唔会中伏叫咗个二人餐十分抵食 有支竹羊腩煲配时令蔬菜 腊味糯米饭 蒜蓉开边虾埋单都系四百几蚊蒜蓉开边蒸虾分量唔大 但非常鲜味 肉质弹牙 鲜甜无比 好新鲜 上面加上海量嘅蒜蓉 简直绝配支竹羊腩煲份量好大 羊腩炆得入味软淋 连骨头入面嘅骨髓 都可以轻松地啜出嚟 入面嘅竹笋大大嚿 好爽口 仲有支竹索晒汤底嘅味道 点少得生菜 可以吸收到入面所有精华 好食最后系腊味糯米饭 腊味唔太肥 冇油益味 配上糯米饭烟烟韧韧 口感十足 食完成个人暖笠笠