影片
更多
2020-01-15
64 浏览
約了幾個朋友去元朗食飯，大家見涼涼地就不約而同話去食煲仔飯。上網睇過元朗好似呢間凱逸餐廳有煲仔飯食。七點幾到左但好多人，要等位先可以入，咁證明間野都多人食，應該唔錯。門口有兩個師傅在整煲仔飯，聞到都香噴噴。等左15分鐘左右入得，餐廳啲位都算闊落，坐得幾舒適。 4個人叫左三個煲仔飯，分別係土尤肉餅、臘味同北姑雞，另外叫多個中式牛柳。煲仔飯都要等耐小小，因為即叫即做。先黎左個中式牛柳好有鑊氣，牛柳又夠冧，唔錯。食完牛柳三個煲仔飯就到啦！未開蓋係蓋面上淋上豉油慢慢流落去啲飯度左焗多30秒先食。啲餸既味都入哂啲飯度，都有幾多飯焦唔會太爖。整體都唔錯，冬天❄唔係打邊爐就係食煲仔飯啦！可以暖下個身
张贴
